Nalukoola amaze n'alayizibwa

MUNNAMATEEKA Erias Luyimbazi Nalukoola olulayidde ku bubaka bwa Kawempe North ebibye ne bitereererawo, Sipiika wa Palamenti bw’alagidde bamuwe emmotoka n’ebirala ebigenderako ebiweebwa ababaka nga bwe birambikiddwa mu Ssemateeka.
Olwamaze okukuba ebirayiro mu ofiisi ya Sipiika, ye yennyini (Anita Among) n’amuyozaayoza ne NUP olw’okutuuka ku buwanguzi n’agamba nti, bulijjo ekimusibye y’ebbaluwa okuva mu kakiiko k’ebyokulonda ekakasa nti ye yawangula okulonda. Yalagidde Kkalaani wa Palamenti, Adolf Mwesige okumufunira mmotoka n’ebirala byonna ebiweebwa omubaka.
Waakusooka kuweebwa obukadde 200 ez’okugula mmotoka. Buli mwezi asuubirwa okufuna obukadde obusoba mu 30 nga zino kuliko; obukadde 11 n’emitwalo 68 ng omusaala, kyokka bwe baziggyako omusolo asigaza 6,129,000/-. Ssente z’entambula ezitwala omubaka mu konsitityuwensi ziri 4,500,000/-. Kyokka zino zisobola okusingawo okusinziira ku buwanvu bw’olugendo okuva e Kampala.Waliwo ssente z’ebyokulya okuli; ekyenkya, ekyemisana bya 4,500,000/-, ensako ya buli lutuula buli mubaka asasulwa 50,000/- (za kakiiko), ssente z’okusula 4,000,000/-. Ssente ezigenda mu kittavvu ky’abakozi ekya NSSF 9,000,000/- ng’omubaka bamusalako 3,000,000/ olwo Palamenti n’emwongererako 6,000,000/-, n’endala.
BY’AGENDA OKUSSAAKO ESSIRA
Nalukoola yagambye nti, agenda kussa essira ku nsonga z’abavubuka abatalina mirimu basobole okufuna obukugu. Abalina obukugu aba-zzeemu amaanyi agakola. Obuyinza bwa Divizoni ayagala buddeyo wansi okuva ku City Hall basobole okwekolera ku bizibu ebimu.
Ekitundu kya Kawempe North yagambye nti kirina eddwaaliro lya Gavumenti limu ery’e Komamboga kyokka nga teririna bikozesebwa wadde ng’ettaka weeriri. Kuno kw’agenda okugatta okulwanyisa ebikolwa by’okutulugunya abantu
ebisusse n’okulaba ng’abantu bonna abaasibwa olw’ensonga z’ebyobufuzi bafuna obwenkanya.
Ku Palamenti, Nalukoola yayaniriziddwa akulira oludda oluwabula Gavumenti, Joel Ssenyonyi era eyamukulembedde okugenda mu ofiisi ya Sipiika gye yalayiridde.
Kwabaddeko n’ababaka ab’oludda oluvuganya okuli; Godfrey Kayemba olo (Bukomansimbi South), Allan Mayanja (Nakaseke Central), Muwanga ivumbi (Butambala), Flavia Nabagabe (mukazi/Kassanda), Bett thel Naluyima (Mukazi/Wakiso)
n’abalala.
Ssenyonyi yagambye nti, bakyetaaga obwenkanya ku ffujjo eryakolebwa mu kulonda kuba bannamawulire tebannaliyirirwa era n’abaserikale bonna abaakola effujjo Sipiika wa Palamenti, Anita Among ng’akwasa Nalukoola Ssemateeka n’amateeka agafuga entuula za Palamenti.
Kozesa Vision Digital Experience olabe vidiyo. Okuva ku kkono: Babra Kaija, Rt. Rev. BP. Wilson Kitara (Kitgum), Rt. Rev. BP. Godfrey Loum (Northern Uganda Diocese), CEO Don Wanyama ne Felix Osike ku kitebe kya Vision Group. Bp. Wilson Kitara (Kitgum) baayanjudde enteekateeka y’Obulabirizi mukaaga obwa Greater Northern
Uganda ku lunaku lw’Abajulizi ne basaba obuwagizi mu byamawulire n’obwa ssente.
Wanyama eyabadde n’omukuhhaanya ow’oku ntikko, Barbara Kaija, n’omumyuka we, Felix Osike, n’abalala, yeeyamye nti Vision Group aakubunyisa emikolo gino eri ensi yonna nga yeeyambisa emikutu gyay yonna omuli; leediyo, empapula z’amawulire, TV
n’emitimbagano.
Ku kya ssente, yasuubizza nti baakwetunulamu wamu n’Abakristaayo mu kkampuni oluvannyuma banjulire Ekkanisa ensimbi ze banaaba bakuhhaanyizza, ne yeebaza  nkolagana ennungi Vision Group gy’ebadde n’Ekkanisa ya Uganda okumala ebbanga. Bp. Loum nga ye Ssentebe w’enteekateeka eno, yategeezezza nti, Obulabirizi
mukaaga omuli;
Northern Uganda, Lango, West Lango, Madi-West Nile, Kitgum ne Nebbi bwe bwaweereddwa omukisa okutegeka nga mu kiseera kitono bujja kwanja bajeti,
nga balonze n’olukiiko oluteesiteesi olw’eggwanga lyonna olw’okukulirwa minisita w’Ebyobulamu, Dr. Jane Ruth Aceng. Yasabye abantu bonna okwetegekera olunaku
lw’Abajulizi olw’omwaka guno kubanga mugenda kubaamu okwolesa ensinza, amazina, ennyambala n’obuwangwa bw’abantu abava mu bukiikakkono bwa Uganda.
bavunaanibwe.
Yagambye nti Nalukoola bamulinamu essuubi ddene era bamanyi bajja kutuuka wala nga batambula naye ku luuyi lwe lumu.

NAMBI ALEMEDDEK0 AGENDA MU KKOOTI
Hajati Faridah Nambi, akyakalambidde, agenda mu kkooti g’awakanya ebyava mu kulonda kw’okujjuzza ekifo ky’Omubaka a Palamenti mu Kawempe North, awakanyizza n’ebyokuyozaayoza Nalukoola.
Nambi yategeezezza nti, takkiriziganya na byava mu kalulu k’okujjuza ekifo ky’omubaka wa Palamenti era agenda mu kkooti. Wabula balooya be aba Atwijukire Dennis Advocates baggyeeyo omusango gwe baabadde batutte u kkooti ento e Kawempe nga basaba wabeewo okuddamu okubala obululu.
Mu kiwandiiko ekyabaddeko ennaku z’omwezi eza March 25, 2025, bannamateeka baagambye nti tekikyalina makulu kusaba kuddamu kubala bululu okuva akakiiko
k’ebyokulonda bwe kaafulumizza ebitongole ebyava mu kalulu k’e Kawempe North. Okulonda kwaliwo nga March 13