Okusaala Idd e Kanoni ;Yennyamidde olw'abazadde abagayadde mu kukuliza abaana mu mpisa

Abasiraamu bagenze mu bungi okusaala Eid ul-Fitr ku muzigiti gwa Masijid Madiina e Kinoni mu disitulikiti ey’e Lwengo.

Ye disitulikiti Khadi, Sheikh Ismael Kibuule,  asinzidde mu kusaaza Eid ne yennyamira olw’abazadde abeegayaaliridde mu kukuliza abaana baabwe mu mpisa nga bano bakoze kya maanyi okutaataaganya okusaala olw’okulekaana kyokka nga n’abazadde baabwe babalaba.

Sheikh Kibuule era asabye Abasiramu okukomya enjawukana mu ddiini n’obukyayi ekiyinza okuvaako obutemu era n’entalo za mufuti wa Uganda Sheikh Ramathan Mubajje abasabye bazenenye kuba tewali bukulembeze butava eri Allah.

Ye Imam w’omuzikiti guno Sheikh Musoke Abdul asinzidde mu kusaala Iddi n’asaba abaana okulabiriranga bakadde baabwe baleme kwekussa mbuto zaabwe nti lwe banaafuna empeera ennungi.

Okusaala kuno kwetabiddwamu n’omubaka wa pulezidenti e Lwengo, Emmy Kateera asabye Abasiraamu mu ggwanga okukomya obutakkaanya bwe balina ku mufuti wa Uganda Sheikh Ramadhan Mubajje era n’abasaba babugonjoole buleme kuvaako entalo eyinza okulumya bannaalumanya ne basaalumanya.