Fayinolo z'empaka z'ennyimba z'abajulizi za nkya ku Serena mu Kampala

Fayinolo z'empaka za kkwaaya ezisinga okuyimba ennyimba z’Abajulizi zisemberedde okutuuka ku nkomerero anti olunaku mulindwa lwa nkya ku Lwamukaaga luno nga May 31, 2025.

Omu Ku Bagenda Okusala Empaka Zino, Joseph Batte.

Kkwaaya mukaaga ze zaatuuze ku zaakamalirizo eza National Martyrs’ Choral Festival 2025, okuli ez’Abakatolikiti ssatu n’ez’Abakristaayo 3 ng’ebikujjuko bya kubeera ku Kampala Serena Hotel nga May 31, era nga ze z’omulundi ogwokubiri nga zitegekebwa Vision Group.

Abatuuse ku z’akamalirizo kuliko; Morning Glory Choir St. Apollo Kivebulaya Abayita Ababiri - Entebbe, St. Charles Lwanga Rubaga Cathedral Choir, Rwenzori Diocese Kampala Fellowship Choir, The Shepherds Choir of St. Augustine Church of Uganda- Lira, Our Lady Seat of Wisdom SS Choir Kasawo - Lugazi Diocese ne All Saints Choir Christ the King Catholic Parish-Arua Diocese.

Empaka zino zitegekebwa n’ekigendererwa ky’okujjukira Abajulizi ba Uganda nga tuyita mu kuyimba, okuzannya ne katemba.

Abaazeetabyemu beekutte obutambi bwa vidiyo bwe baaweerezza. Kkampuni ezitadde ssente mu mpaka zino kuliko; Equity Bank, Centenary Bank, National Social Security Fund, Pepsi, the Parliament of Uganda ne Uganda Revenue Authority.

Abalamuzi b’empaka zino bamanyi era balina obumanyirivu obususse okuli; Lydia Namatovu, Rachel Ayikoru, Mayambala Kizito ne munnamawulire wa Vision Group, Joseph Batte.