Bajeti y'eggwanga 2025/26: Aba Uganda Debt Network beekokkodde enguzi nu nkola y'emirimu

NG'ABANTU balindirira Minisitule y'Ebyensimbi okusoma bajeti y'eggwanga ey'omwaka gw'ebyensimbi 2025/26, ekibiina ky'obwannakyewa ekirondoola amabanja ga  Gavumenti ekya Uganda Debt Network kivumiridde omuze gw'abakozi ba gavumenti abongeza emiwendo gy'emirimu ekiviirako embalirira y'eggwanga okubeera waggulu.

Nga bakulembeddwaamu Grace Kobusingye, baanokoddeyo enguudo nga olwa Entebe Expressway lwe bagamba nti baayongeza ebbeeyi y'okulukola ne kiviirako eggwanga okugwa mu mabanja.

Kobusingye yakkaatirizza akatiliza nti ekisinga okubaluma kwekuba nti nesente zino olumala okuzibakwasa tezikola ebyo byebazibawerede ekintu nebakakana nga ate bazemu okwewola okukola ekintu kyekimu ekyali mu budget .

Kobusingye agamba olw'amabanja amangi, eggwanga gye biggweera nga terikoze ku bintu bya nkizo kubanga ssente ezisinga zimalibwa mu kusasula mabanja.

Bano era beekokkodde 'Supplementary budget' ezissibwawo nga bajeti ewedde okusomwa ne balaga obutali bumativu olwa ssente eziyisibwa wa gye ziraga!.

Kino bakitadde ku buli bw'enguzi obukudde ejjembe bwe bagamba bulemesezza bannansi okufuna ebintu eby'enkizo gamba nga amalwaliiro okubeeramu eddagala erimala saako n'ebirala.