Enteekateeka z'omwoleso gwa Bride&Groom ziggyiddwako akawuuwo

OMWOLESO gw’emikolo n’embaga ggaggadde ogutegekebwa kkampuni ya Vision Group ogwa Bride and Groom gugguse gwakubeerawo okuva nga 27^th -29 June mu UMA Multipurpose Hall e Lugogo, ng'okuyingira kwa u 10,000/- buli lunaku...

Omukung'aanya wa Vision Group ow'okuntikko Barbra Kaija ng'ayogera

Guno gwe gw’emirundi 16, nga gutegekebwa Vision Group evunaanyizibwa ne ku Bukedde era ogw’omulundi guno gugenda kutambulira ku mulamwa ogugamba nti ‘Beyond I Do, Building lifetime Together’.

Gusiddwaamu ssente amakkampuni gaggadde okuli; Pepsi, Bella Wine, The looks bespok ne guwagirwa Entikko Safari Lodge abasangibwa ku Murchison Falls National Park, Izu Treats, Roke Telecom, CJs, Fonti’s hotel and residences ne dream and dress Ug.

Omukolo gw’okutongoza omwoleso guno gwabadde ku Fonti’s hotel and residences e Nakasero eggulo Olwokutaano nga gwetabiddwamu abategesi aba Vision Group ababadde bakulembeddwaamu omukungaanya ow’okuntikko Barbra Kaija wamu n’abavujjirizi.

Kaija mu kwogera kwe yategeezezza nti omwoleso guno sikwolesa bwolesa naye gulimu eby’okuganyurwa bingi eri abagenda okujja ,eri kkampuni ezigenda okwoolesa era n’akunga abantu okujja mu bungi.

Okutongoza omwoleso gwa Bride & Groom

Lorraine Tukahirwa, akulira eby’okunoonyeza Vision Group akatale, yagambye nti emyaka 16 omwoleso guno gye gumazeewo buli mwaka bongera okufuna abantu abeegattako okwolesa n’okugusaamu ensimbi kubanga bafunamu n’akunga amakkampuni okujja okwegattako kubanga omukisa gukyaliwo.

Amyuuka akulira ebivvulu mu kkampuni ya Vision Group, Keneddy Mwota, yagambye nti omwoleso guno gwanjawulo kweggyo egizze gyibaawo olw’ebinonnoggo ebigulimu gamba ng’emisono gy’engoye z’emikolo ezigenda okwolesebwa, keeki z’emikolo, emisomo gy’abassenga ne kkojja, abayimbi bangi n’ebirala bingi byonna ku 10,000/- buli lunaku.

Abataddemu ssente okuli; Prudence Ukkonika akulira kampuni ya K-ROMA abakola Bella Wine nga bano bajjaguza emyaka 25 mu katale, yagambye nti emyaka gyonna Bride and Groom gye gumazeewo azze yeetabamu wabula teyejjusa kubanga kati ali ku katale ka nsi yonna olw’okwekwata ebintu bya Vision Group naddala omwoleso guno.

Nitin Bhagwani ne mukyala we Doreen Bhagwani abakulira the looks bespoke abatunga n’okutunda amasuuti, bagamba nti emyaka ebiri gye bazze beetaba mu mwoleso guno ttebejjusa kubanga kati bafuna abantu okuva kuno n’ebweru wa Uganda era ne bakunga abalala abalina amakampuni okujja boolese baganyulwe