Abali mu bitundu by'ekyeya Muntu abasuubizza okubateerawo enteekateeka ezifukirira ebirime

Rt. Major. Gen. Mugisha Muntu agumizza abantu abali mu bitundu ebikosebwa ennyo omusana nti bw'afuuka Pulezidenti gavumenti yaakubateerako enteekateeka ebasobozesa okufukirira ebirime byabwe.

Muntu bwe yabadde ayogerako n'abantu b'e Obongi eggulo ng'anoonya akalulu.

Gen. Mugisha Muntu bw'abadde asaggula akalulu mu disitulikiti y'e Obongi abaayo bamulaajanidde ku bwavu obususse nga bamugamba nti n'ettaka lye balina tebasobola kulirima olw'Omusana omuyitirivu.

Abamu ku bawagizi ba muntu nga bakutte ebifaananyi bye

Eno Gen. Muntu agumizza abantu abali mu bitundu ebikosebwa omusana nti gavumenti ye yaakubayamba okufukiriranga ebirime byabwe.

Muntu agamba nti gavumenti ye yaakweyambisa omugga Nile okutambuza amazzi mu bitundu ebigwetoolodde okulabanga abantu bageeyambisa okufukirira kibasobozeze okulima emmere ey'okulya n'okutunda. Eno Muntu akunze abantu okumulonda alabe ng'atereeza embeera.