Abasajja abalina emitima eminafu balabuddwa obuteetantala kutwala baana ku DNA
Okukebeza DNA kwa ddoola 100 zokkka ng'omanya ekituufu!
Abasajja abalina emitima eminafu balabuddwa obuteetantala kutwala baana ku DNA
By Godfrey Kigobero
Journalists @New Vision
ABANTU bazzeemu okujjumbira okukebeza abaana baabwe endagabutonde okukasa oba nga ddala baabwe.
Okukebeza endagabutonde e Wandegeya ku { GAL } omuntu asasula ddoola 100, z'ensimbi eziri eyo mu kakadde kamu nga n'emitwalo 20 , olwo n'ofuna ekituufu.
Omwogezi wa minsitule y'ensonga ez’omunda Simon Mundeyi, ategeezezza nti wiiki ewedde abantu abawera 94 , be baasaba okukebeza abaana baabwe n'agattako nti abasajja 95 ku buli kikumi be bagendayo, abakazi bali ebitundu 2 ku buli kikumi ate abaana bali ebitundu 3 ku buli kikumi.
Mundeyi alabudde abasajja abalina emitima eminafu okwewala okukebeza abaana, nti kuba ky'alibaviirako okufuna pressure oba endwadde endala ez'emitima.