Buddo etandise na buwanguzi mu mupiira gw'amasomero mu Algeria

Ttiimu ya Buddo eyakiikirira Uganda mu mupiira ogw'ebigere mu mizannyo gy'amasomero mu Algeria yaguddewo n'abuwanguzi ku mmande oluvannyuma lw'okukuba Tunisia goolo 2-1.

Aba Buddo nga bajaganya oluvannyuma lw'okuteeba Goal

By Julius Kafuluma

Journalists @New Vision

Ttiimu ya Buddo eyakiikirira Uganda mu mupiira ogw'ebigere mu mizannyo gy'amasomero mu Algeria yaguddewo n'abuwanguzi ku mmande oluvannyuma lw'okukuba Tunisia goolo 2-1.

Tunisia yeyasoose okulengera akatimba mu dakiika eye 18 nga yabadde ya mutwe ogwava mu kusimula ekoona.

Okufuna ekkoona lino kyaddirira omukwasi wa goolo ya Buddo Expedito ssemugera okutaasa peneti eyavaamu ekoona.

Nga ekitundu ekyokubiri kyakaddamu omutendesi wa Buddo Richard Malinga yakolamu enkyukalyuka naleeta Babi Abdul Shakur nga ono yakolera kapiteeni wa tiimu Dickson Barasa omukisa ogwavaamu goolo eyekyenkayi mu dakiika eya 53.

Nga wayise eddakiika bbiri Babi yaddamu nasaliza Owen Mukisa omupiira omwavudde goolo eyokubiri.

Abazannyi ba Buddo oluvannyuma lw'okuteeba ggoolo

Olwaleero Buddo ekomyewo okuttunka ne Ivor Coast nga yetaaga akabonero kamu kokka okwesogga oluzannya oluddirira olwakamalirizo.

Buddo ekulembedde ekibinja A nobubonero busatu nga Ivory Coast eri mu kyakubiri nakabonero kamu.

Biri ebibinja bisatu nga Buli kibinja kivaamu ttiimu emu ekulembera okugenda butereevu ku luzannya oluddirira olwakamalirizo ate tiimu enasinga okukola obulungi mu zimalidde mu kyokubiri ebeegatteko okuweza tiimu nnya.

Mu mizannyo emirala Uganda yafunye omudaali gwekikomo mu mpaka zensero owa 3x3 mu bawala oluvannyuma lwokukuba Benin 21-17.

Omidaali ogwa zaabu gwawanguddwa Rwanda ate Nigeria netwala Feeza.

Mu kuwuga munnayuhanda Rahmah Kalungi yasubiddwa okuwangula omudaali oluvannyuma lwokumalira mu kifo kyakuna mu mutendera gwa 50m Butterfly. Empaka zaawangudfwa omumisiri Malak Elshazly.

Mu Badminton munnayuganda Christine Kadondi yayiseewo ku mutendera oguddako oluvannyuma lwokukuba Lekba Hiba enzaalwa ya Algeria ku bugpba 2-0 (21-10, 21-14).

Omukazi bamubbyeko bbebi ow'emyezi 3 mu kkanisa ng’akuba bifaananyi by’ababadde bayimba ku kituuti, n’awunga

Amawulire

Buddo etandise na buwanguzi mu mupiira gw'amasomero mu Algeria

Ttiimu ya Buddo eyakiikirira Uganda mu mupiira ogw'ebigere mu mizannyo gy'amasomero mu Algeria yaguddewo n'abuwanguzi ku mmande oluvannyuma lw'okukuba Tunisia goolo 2-1.

Aba Buddo nga bajaganya oluvannyuma lw'okuteeba Goal

By Julius Kafuluma

Journalists @New Vision

Emboozi Ezifanagana

Buddo etandise na buwanguzi mu mupiira gw'amasomero mu Algeria

By'olina okwewala ebivaako yingini okukyamuka

Ssekabaka Muteesa I yaleeta obugunjufu, ate Mwanga n’atta Abasomi

Batenderezza pulofeesa Kanyeihamba olw'omukululo gw'alese mu by'amateeka

Omukazi bamubbyeko bbebi ow'emyezi 3 mu kkanisa ng’akuba bifaananyi by’ababadde bayimba ku kituuti, n’awunga

Ba RDC 40 bakyusiddwa:Kampala, Luweero, Mpigi, Kalungu, Mubende, Kiboga zifunye abapya