Gen. Rwashade asabye Ssekikubo okwenenya eby'okwesimbawo yeewale okuwunga

OLUVANNYUMA lw’akakiiko ka NRM akavunaanyizibwa ku kunoonyereza ku mivuyo egyakolebwa mu kamyufu okugoba okwemulugunya kw’omubaka w’e Lwemiyaga Theodare Ssekikubo, Brig.Gen. Emmanuel Rwashande amusabye okwesonyiwa eby’okwesimbawo yeetondere abantu abamulinako obukyayi.

Gen. Rwashande Ng'ayogera.

Akakiiko kano akaakulembererwa John Musiime kaagobye okwemulugunya kw’omubaka Ssekikubo ne kategeeza nga bwe kataamatidde na kwemulugunya kwatekeebwamu oludda oluwaabi.

Ng’ayogerako eri bannamawulire, Gen. Rwashade agambye abantu bangi babadde mu bulumi emyaka 25 Ssekikubo gy’abafugidde nga buno obwenkanya obukoleddwa akakiiko buwewudde bangi emitima.

Rwashade era asabye Ssekikubo obuteetantala kwesimbawo kubanga okusalawo kw’abantu kumaze okussibwamu ekitiibwa nga bw’aneyongerayo okuwaabira mu kkooti ajja kuba amala ga mu bulago.

Ssekikubo eyawanguddwa.

“By’alowooza okugenda mu kkooti tajja kuyambibwa, ate nawulidde mbu ayinza okugenda mu NUP oba okujja ku bwannamuginina. Ebyo byonna amala budde. 

Yeetondere abantu be yabbira ettaka n’abo abaafiirwa abaabwe mu mikono gye bamusonyiwe olwo adde ku kyalo akole ebirala.” Rwashande bwe yategeezezza.