Amagye gavuddeyo ku by'okukwatibwa ky'omusaserodooti e Masaka

Amagye gavuddeyo ne gategeeza nga bwe gaakutte Rev. Fr. Deusdedit Ssekabira owa Masaka Diocese ku misango egyekuusa ku butali butebenkevu bw'eggwanga.

Kiddiridde abantu ab'enjawulo omuli ne bannaddiini okwemulugunya ku kuwambibwa kwa Fr. Ssekabira agambibwa okuba nga yaggyiddwa mu ofiisi ye, ne bamubuzaawo.

Mu kiwandiiko okuli omukono gw'akola nga omwogezi w'amagye, Col. Chris Magezi, ategeezezza nti Fr. ali mu mikono gy'abeebyokwerinda ng'ekiseera kyonna, waakutwalibwa mu kkooti, avunaanibwe emisango.