Poliisi erabudde abagenda okutulisa ebiriloliro

Poliisi evuddeyo n'ebiragiro ebikakali eri abo bonna abagenda okutulisa ebiriroliro nga bayingira omwaka omupya 2026. 

Ekisooka, omuntu yenna anaabitulisa, alina okuba ng'awereddwa olukusa olumukkiriza okubitulisa nga n'ekivvulu mw'abitulisiza nakyo, kikkiriziddwa.

Omuntu abitulisa, ateekeddwa okubeera ne layisinsi emukkiriza era nga mukugu so si buli muntu.

Abanaabitulisa, balina obutasussa ddakiika 5 ate nga barina kukuumibwa abasirikale ba poliisi abalwanyisa ebikolwa eby'ekitujju nga babitambuza n'okubitereka. 

Omwogezi wa poliisi mu ggwanga, Kituuma Rusoke, agambye nti abo bonna mu bifo webanabitulisiza, balina okusooka okulanga mu mawulire ag'empapula ne ku mikutu emirala. 

Alabudde abantu okukolagana obulungi n'abakuumaddembe, nti kuba ba DPC mu bitundu, balina obuyinza okuyimiriza ebifo, bye balaba nga tebisaanidde kutulisizaamu ebiriro bino