Basse abantu 2 omulundi gumu emirambo ne bagisuula mu nsiko!

Abantu babiri battiddwa mu ngeri etannategeerekeka, emirambo gyabwe, ne gisuulibwa e Bukwanga e Kamuli. 

Emirambo gyombi ogw'omusajja n'omuwala, gizuuliddwa abatuuze ku kyalo Bukwanga Bumbyaz zooni mu muluka gw'e Kasozi mu Ggombolola y'e Namasagali mu disitulikiti y'e Kamuli. 

Omu ategeerekese nga muvuzi wa bodaboda Salim Mawerere 38 omutuuze w'e Bugobi ate omulala nga Sylvia Babirye 22 omusuubuzi owa Bulungi zzooni. 

Kitegeezeddwa nti Babirye, abadde yaakadda okuva e Kampala ng'agenze okulya ennaku enkulu okusinziira ku nnyina. 

Ayongeddeko nti waliwo eyamukubidde essimu n'ava awaka nga Dec 31  nti okuva olwo, teyazzeemu kulabika, bazudde mulambo. 

Omwogezi wa poliisi mu Busoga North, Samaon Lubega, asabye abantu abayinza okubaako amawulire ge bamanyi ku kukufa kw'abantu, bano, okubuulira poliisi mu kyama, ng'okunoonyereza bwe kukolebwa.