Obululu bwa Central North bumaze okutuusbwa ku offices z'akakiiko k'ebyokulonda

OBULULU obugenda okukubibwa mu region ya Central North bumaze okutusibwa ku ofiisi z’ebyokulonda ez’enjawulo ng’abantu balindirira okulonda ekifo ky’obwa Pulezidenti n’babaka ba Paalamenti ku Lwokuna nga January 15, 2026.

Obululu obugenda okulondebwa e Wakiso nga babujja ku mmotoka

Akulira eby’okulonda mu Central North, Tolbert Musinguzi yategezezza nti disitulikiti okuli Kayunga, Luweero, Nakaseke, Kiboga ne Kyankwanzi ebikozeseebwa byonna byatuuse era nga betegefu okulaba nga webatuukira nga January 15, buli kimu nga kitambula bulungi.
Musinguzi era nga y’akulira eby’okulonda e Wakiso, yategeezezza nti ne bigenda okukozesebwa okulonda e Wakiso byatuusiddwa mu kiro ky’o Lwokuna era nga nayo betegefu okulondesa ku Lwokuna.

Obululu nga batuuse

“Wakiso erina abalonzi akakadde 1.445123, kyokka mubululu obwatuwereddwa baayisizamau kko kumuwendo guno kuba waliwo obwononebwa ng’abalonzi balina okwebwa obulala. Tusuubira nti byonna bijja kutambula bulungi.” Musinguzi bweyayongeddeko.
Musinguzi yasabye abantu okwongera okukuuma emirembe, ssaako n’okwebuuza ku kakiiko kwebyo bye batategeera bulungi, bagende okutuuka kulunaku lw’okulonda nga tewali kutataganyizibwa.

Nom 8

Wakiso erina ebifo by’ababaka ba Palaamenti 8 ebigenda okulondebwamu okuli Busiro South, Busiro North, Busiro East, Kyaddondo East, Makindye Ssabagabo, Nansana Munisipaali, Ntebe Munisipaali, Nansana Munisipaali ssaako n’ekifo ky’omubaka omukyala owa disitulikiti.