Poliisi egaanye abantu okugulira amafuta mu kadomola oba okugatambuliza mu bicupa nga bagaggya ku masundiro mu biseera eby'okulonda

NGA tusemberera okusuula akalulu ku Lwokuna, poliisi mu kitundu kya Wamala, etaddewo ebiragiro ebikakali eri abatunda amafuta g'emmotoka ku masundiro.

Bagaanyi omuntu yenna, okugulira amafuta mu kadomola oba okugatambuliza mu bicupa nga bagaggya ku masundiro okugatwala mu mmotoka oba pikipiki zaabwe.

Omwogezi wa poliisi mu Wamala nga muno, mwe muli disitulikiti y'e Mubende, Mityana, Kyankwanzi ne Kiboga, Lamerk Kigozi, ategeezezza nti kino, kitandikiddewo okukola era ne balabula abakozi ku masundiro okubeera obulindaala.

Mu ngeri y'emu era n'emmotoka bazigaanyi okusimba wadde okusuzibwa ku masundiro g'amafuta obudde obw'ekiro , olw'ekwewala ebikolwa eby'efujjo.