Omulwanirizi w'eddembe ly'obuntu Sarah Bireete addiziddwayo e Luzira okutuusa nga 28 Jan

EBYA Sarah Bireete okumuyimbula ku kakalu ka kkooti bijulidde oluvannyuma lw'oludda oluwaabi okusimba ekkuli ne bawakanya okusaba okweyimirirwa.

Oludda oluwaabi nga lukulembeddwamu omuwaabi wa gavumenti Joan Keko ne Allan Mucunguzi baayanukudde okusaba okwateekebwayo bannamateeka be bweyali asaba okweyimirirwa mwebawakanyirizza okusaba kwebateekamu.

Bano balumye n'ogwengulu nga bawakanya okusaba kwe nga bagamba nti ebbaluwa eyaletebwa mu kkooti eraga nti alina obulwadde obumutawanya tebalina bukakafu nti tebusobola kujjanjabwa basawo bakkomera.

Kuno kwebaagasse ekyokuba nti Bireete ekifo kyalimu n'obututumufubwe ayinza okubikozesa okutataganya omusango guno n'addala mu  kunonnyereza .

Ku nsonga yabeyimiridde Bireete okwabadde 
mwanyina Beyanga Joseph,  Hon. Winnie Kiiza   eyaliko akulira oludda oluwabula gavumenti mu palamenti , Joseph Ochieno  neyaliko omubaka ....Grace Ssempala Ambassador Ssempala baategezezza nga bwebatalina bisanyizo bimala kumweyimirira olwensoonga yobutabeera nabiwandiiko biraga mirimu gyebakola, singa alemererwa okulabikako eri kkooti bayinza okulemererwa okusasula omutango oguyinza okubasalirwa.

Webasabidde omulamuzi okugoba okusaba kw'okweyimirirwa kwa Bireete nga besigama ku nsonga yabutaba nabamweyimirira balina bisanyizo bimatiza kkooti. 

Wabula bannamateeka be bwakanyizza okwanukulwa okwo ne bategeeza nga bwekitali mu mateeka omuntu aguddwako omusango bwatalina kuyisibwa nga oyo asingisiddwa omusango. 

Omulamuzi yategezezza nga bwawuliririzza enjuyi zombi omusango nagwongerayo okutuusa nga January 28,2026 asobole okusooka okuyita mu buli omu kyayogedde bwatyo Bireete namuzaayo e Luzira.

Bireete omusango ogumuvuunanibwa gwakusasaanya ebikwata ku kakiiko k'ebyokulonda mu bumenyi bwamateeka nga tafunye lukusa okuva mu kitongole ekyo.