CAO w’e Kamuli n’owebyensimbi bavunaaniddwa

AKULIRA abakozi ku disitulikiti y'e Kamuli n'avunaanyizibwa ku byensimbi basimbiddwa mu kkooti ewozesa abalyake n'abakenuzi ne bavunaanibwa omusango gw'okukozesa obubi obukadde 600 ez'omuwi w'omusolo.
Nasser Mukiibi 49 nga y’akulira abakozi mu disitulikiti y’e Kamuli n’akulira eby’ensimbi Alex Kifuuse baasimbibiddwa mu maaso g’omulamuzi Asiimwe ku Mmande ne basomerwa emisango gy’okukozesa obubi ofiisi ne babulankanya ssente ezisoba mu bukadde 600 ezaali ez'okukola oluguudo lwe Nawanyago -Kisozi.
Emisango baagyegaanyi era omuwaabi wa gavumenti Tapista Naam n’asaba kkooti ebongere obudde basobole okumaliriza okunoonyereza kwabwe.
Bano nga bayita mu bannamateeka baabwe okuli John Isabirye ne Asuman Nnyonyintono, baasabye okweyimirirwa. Eggulo ku Lwokubiri baakomezeddwaawo mu kkooti, omulamuzi Asiimwe n'abakkiriza okweyimirirwa.