Amawulire
Okulonda mu Division ye Lubaga
OKULONDA mu Divizoni ya Lubaga North kwatandise nga kwa ddembe nga n'abalonzi bajja musoolesoole, ng'ebifo ebimu awalonderwa baaluddewo olw'okubulwa abantu abasooka 10 okutandika.
Kkasibante ey'esimbyewo ku bwa mmeeya bwa Lubaga Division
By: Ssuuna Peter, Journalists @New Vision
OKULONDA mu Divizoni ya Lubaga North kwatandise nga kwa ddembe nga n'abalonzi bajja musoolesoole, ng'ebifo ebimu awalonderwa baaluddewo olw'okubulwa abantu abasooka 10 okutandika.
Okwawukana n'obululu obuzze bukubibwa ekisanja kino, ku luno obuuma bu BVVK bwakozeseddwa mu bifo ebimu bakira buli ajja okulonda ng'ayisibwa mu kuuma kano akabadde kasoma ebimukwatako olwo n'aweebwa akakonge n'akkira akabokisi okusuula akalulu ke.
Mu kifo kya former army shop okumpi n'eddwaliro ly'e Mengo, eno waabaddeyo akakyankalano ng'amasasi ssaako omukka ogubalagala binyoose okugumbulula abavubuka abaabadde beesomye okubba obutabo bw'obukonge bw'obululu.
Ekibinja ky'abavubuka bano kyeyongeddeyo e Namirembe Bakuli nayo ne bakolayo effujo erifaanagana okukakkana nga bagumbuluddwa era ekifo ne kyebulunguzibwa abajaasi kyokka baasigadde bawera okubaako ne kye bakola.
Mu kifo ky'e Wakaliga, ye walondeddwa omu ku beesimbyewo ku ky'obwa Mmeeya w'e Lubaga Moses Kasibante ow'ekibiina Kya DF Democratic Front, eyennyamidde ku mivuyo egyetobose mu kulonda kuno.
Ono yakukkulumidde n'akakiiko k'ebyokulonda okwesuulirayo ogwannaggamba ne katasomesa balonzi ekiviiriddeko omuwendo gw'abalonzi okusalika.
Kasibante era mwennyamivu olw'obuuma obukozesebwa okulonda okukozesebwa leero nga ku luli bwagaana n'agamba nti waalibaddewo ekikolebwa mu b'akakiiko