Iran ekoze obulumbaganyi ku mmeeri ya Amerika

IranIRAN eggudde olutalo ku magye ga Amerika ge yagisembereza, bw’egasindikidde ennyonyi en-nwaanyi eyeevuga yokka n’obwato obwalumbye emmeeri y’eggwanga eryo.

Okusinziira ku mawulire ga AP, ennyonyi ya drone eyeevuga yokka eyasindikiddwa eggye lya Iranian Islamic Revolutionary Guards, ya-lumbye obwaguuga bw’emmeeri ya Amerika mu liyanja Arabian Sea.

Eyo y’emu ku mmeeri za Amerika ettaano eziri obulindaala ng’olutalo lw’amawanga ago lutandise. Abaduumizi b’eggye lya Amerika ery’ekibinja kya U.S. Central Com-mand abaabadde ku mmeeri eno eyitibwa USS Abraham Lincoln n’ennyonyi zaayo 90 ze yeetisse, baasazeewo ekiddako nga balaba en-nyonyi erumbye obuteesagga.

Mu bwangu obw’ekitalo obutagezesa kiddako, ennyonyi ekika kya F-35C Lightening Thunder II, nga ze zimu ku zisinga amaanyi mu kyasa kino ze bayita ‘Fifth Generation fighters,’ zaasituse ne zirumba.

Nga tennakubwa kyokka ng’ennyonyi za Amerika ezaagi-rumbye ziri mu kkubo, omwogezi w’eggye lya Amerika ow’ekibinja ekyo ayitibwa Capt. Tim Hawkins, yagambye nti ekikolwa kya Iran kya kukyokooza kubanga amagye ga Amerika, gaabadde mu kitundu kya nsi yonna (International Waters); buli muntu asobola okukikozesa.

Ekyaddiridde, z’ennyonyi za Amerika okusumulula mizayiro mu bwengula nga zituuse okumpimpi ne drone ya Iran, n’ebengeya ebipapajjo ne bigwa mu liyanja eryo.Baakozesezza mizayiro ekika kya Air to Air ezaabadde ziwangiddwa ku biwawaatiro by’ennyonyi ezo.

Drone eno ekika kya Sha-hed-139, yabadde yaakatambulako mayiro nga 500 okuva mu Iran ng’eyolekedde emmeeri ya Amerika. Amawulire ga Tasnim News Agency mu Iran gagamba nti, Iran yabadde esindise drone eyo okuketta ebiri ku mmeeri ya Linkoln. Era nti, yakubid-dwa emaze okusindika mu Tehran ekifaananyi kye yabadde ekubye emmeeri eno wadde yabadde erigiri wala.

OBWATO OBUWENYUKA BWALUMBYE EMMEERI YA AMERIKA ENDALA Eggye eryo lyabadde likyafaaf-aagana n’ebyennyonyi eyo ate omukambwe wa Iran, Ayatollah Ali Khamenei n’acookooza buto. Yalagidde eggye lye eryabadde lirengedde emmeeri eseeyeeya mu liyanja eddala (Strait of Hormuz), ekolebweko olwo akasambattuko akalala ne kabalukawo.

Eriyanja eryo lisalira ku lub-alama lwa Iran kwennyini era Iran egamba kaayo. Amawanga agamu gakaayana nti ka nsi yonna kyokka agasinga gakitwala nti ka Iran era y’esolooza n’empooza ku mmeeri z’ebyobusuubuzi eziyitawo. Ekitundu ekyo mwe musinga okuyita amafuta agasinga okutundubwa mu nsi kuba n’abagasima basinga mu kitundu ekyo. Mu ngeri eyo, emmeeri ya Amerika ey’ebyobusuubuzi yabadde eyita mu kitundu ekyo, Ayatollah n’addamu okutabuka.

Eggye lya Amerika ligamba nti, obwato bw’eggye lya Iran bubiri bwazze bwebonga ne bugituukako ng’ababuliko babagalidde em-mundu. Baawadde abagoba baalyo ebiragiro baliwete lisimbe ku lukaluObwato obwo mu kadde ke kamu bweyungiddwaako drone endala ey-itibwa Mohajer eyatuuse ku mmeeri eyabadde egezaako okuwambibwa.

AP eraga nti abajaasi ba Iran baakase ab’emmeeri baggulewo, aba Iran bayingire ne bagaana.Mu kadde ako, Capt. Tim Hawkins agattako nti abagoba b’emmeeri ya Amerika baayogedde n’amagye ga Amerika agali mu kitundu ne galeeta obuyambi obw’amangu. Mu kaseera katono, emmeeri ya Amerika ekika; USS McFaul nga ya kika Destroyer, yatuuse ng’ekubye amataala ag’amaanyi agalabula nti ssinga Iran ekola ensobi yonna, eyabaalula yandisiriira. Mu kadde ke kamu, ennyonyi za Amerika endala zaatuuse ne zeebongera mu bwengula nga bwe zikuba ebiriro-liro ebiraga Iran bw’eteegendereza, omuliro gutuuse okwaka!

EMBEERA YAZZE MU NTEEKO Obwato bwa Iran ne drone byazzeeyo ku kitebe gye bwa-vudde mu Iran, emmeeri n’edda ku byayo eby’okuseeyeeya nga bw’ewerekerwako. Amerika okuyungula amagye okwetooloola Iran, kyavudde ku kwekalakaasa okwabadde mu ggwanga eryo, Trump kwe yavumi-ridde ng’agamba nti Ayatollah ne banne basse abantu 5000 abaabadde bawakanya ebbeeyi y’ebintu erinnye.

Trump yalabudde Iran nti, bw’eba teyagala kukubwa, eteese ne Ameri-ka bakutule ddiiru era yeesonyiwe okuweesa bbomu za nukiriya.Yasindiseeyo musajja we Steve Witkoff akwasaganya eby’okukomya olutalo lwa Ukraine ne Russia amale n’ebya Iran. Pulezidenti wa Iran, Masoud Pezeshkian yategeezezza nti bajja kuteesa kyokka si kirungi kuteesa ng’amagye ga Amerika gali ku bbali, awo nti bye bateesa biyinza obutaba bituufu nga batiisibwatiisibwa