Abasirikale ba poliisi babiri battiddwa mu ntiisa e Kamuli
Abasirikale ba poliisi babiri battiddwa mu ntiisa, emirambo gyabwe, abatemu ne bagireka ku mabbali g'oluguudo e Kamuli.
Abasirikale ba poliisi babiri battiddwa mu ntiisa e Kamuli
Abasirikale ba poliisi babiri battiddwa mu ntiisa, emirambo gyabwe, abatemu ne bagireka ku mabbali g'oluguudo e Kamuli.
Gisangiddwa ku mabbali g'oluguudo Oluva e Busota okudda e Kisozo ku kyalo Naibowa e Kamuli.
Abattiddwa kuliko AIP Peter Nambafu nga y'abadde akulira poliisi y'e Kiyunga pol post e Kamuli ne Election Special Polling Costable Bakali Mwanje 26 era ng'emirambo gisangiddwako ebiwundu ebyamaanyi ku mitwe.
Kitegeezeddwa nti bano bombi, baavudde ku poliisi eyo ku ssaawa nga Ttaano ekiro okudda awaka nga batambulira ku pikipiki, waayiseewo akasera katono ne basanga emirambo gyabwe ku kkubo.
Omwogezi wa poliisi mu kitundu kya Busoga North, Samson Lubega, agambye nti bekenenyezza ekifo era ne babeerako bye bazuula ebiyinza okubayamba okuzuula abatemu.
Asaasidde family z'abagenzi era n'agamba nti bakola butaweera okuzuula abatemu