Aba NRM beeriisizza nkuuli mu Wakiso

EKIBIINA kya NRM kyerisizza nkuuli mu disitulikiti ye Wakiso bwekiwangudde ebifo ebisinga ebya ba ssentebe b’amagombolola ssaako nebyo ebya bakkansala abakiika ku magombolola ago.
Disitulikiti ya Wakiso ekolebwa eggombolola 27 era nga zino NRM erina yawanguddeko ebifo 21 ate ekibiina kya NUP nekifunako ba ssentebe babiri ssaako abatalina kibiina basatu n’owekibiina kya DP omu.

Kenneth Mwebaze owa NRM yalangiriddwa kukifo kya ssentebe wa Ntebe division A.

Akulira eby’okulonda mu disitulikiti ya Wakiso, Tolbert Musinguzi yamalirizza okulangirira bassentebe ku ssaawa 6;00 ez’ekiro ekyaakesezza olw’okutaano olwo natandika okulangirira bakkansala abasoba mu 2000.
Yalangiridde Fredson Mukalazi Kasiiwukira owa NRM kukifo kya ssentebe wa Wakiso Town Council nga yafunye obululu 5149 ate Nasifu Kalyowa Dauda owa NUP nafuna 2881.
Hawah Mbabazi owa NRM yawangudde ekya ssentebe wa Gombe division mu munisipaali ya Nansana ku bululu 13968 ate Ronald Kasiriivu owa NUP nafuna obululu 6135.

Betty Namara owa NRM ng'alangirirwa kubwa ssentebe wa Bunamwaya division

Wilson Mulondo owa NRM yawangudde ekya ssentebe wa Mende sub county n'obululu 3028 ate Peter Ntume owa NUP nafuna obululu 2698.
Baker Kazibwe atalina kibiina yalangiriddwa kukifo kya ssentebe wa Kasangati Town Council ku bululu 20454 nga ye Tonny Ssempebwa owa NUP yafunye obululu 5897 ate Bruno Ssali owa NRM nafuna obululu 1256.
Joseph Lukyamuzi owa NRM yawangudde ekya ssentebe wa Ntebe divison B n'obululu 3325 ate John Mugabi owq NUP nafuna obululu 2061.
Kenneth Mwebaze owa NRM yalangiriddwa kukifo kya ssentebe wa Ntebe division A ku bululu 4414 ate Andrew Wani owa DP nafuna 1551 nga ye Arafat Sekawooya owa NUP yafunye obululu 1253.
Betty Namara owa NRM yawangudde ekya ssentebe wa Bunamwaya division ku bululu 10286 ate Jacob Akugizibwe owa NUP nafuna obululu 2166.

Musinguzi ng'alangirira Fredson Mukalazi kubwa ssentebe wa Wakiso Town Council
Shafiq Ismail Ssonko owa NUP yawangudde ekya ssentebe wa Ndejje division ku bululu 4567 ate John Davis Bazanye owa NRM nafuna obululu 2763.
Wilfred Grace Nakakande owa NRM yawangudde ekya Masajja division ku bululu 24534 ate Sarry Nakato kwa NUP nafuna obululu 3696.
Johnbosco Ssegembe owa NRM yawangudde ekya ssentebe wa Kajjansi Town Council ku bululu 22170 ate Al Bashir Kayondo owa NUP nafuna obululu 6825.
Joseph Semugera Bitokote atalina kibiina yawangudde ekifo kya seentebe wa Kyengera Town Council ku bululu 48008, Gonzaga Matovu owa NRM nafuna obululu 11199 ate Margaret Gasanyula owa NUP nafuna obululu 5058.
Mu Bweyogerere division, Jackson Akiza owa NRM yafunye obululu 9147 ate Farouk Mpanga owa NUP nafuna obululu 2986.