Poliisi eyongedde amaanyi mu bikwekweto byayo

Mukaweefube w'okulwanyisa obumenyi bw'amateeka, poliisi enyinyitidde n'ebikwekweto byayo okukwata abagambibwa okuba emabega w'obubbi n'ettemu. 

Abakunukkiriza mu 150, bebayooleddwa mu Kampala , Mukono ne Wakiso era ng'abamu basaangiddwa n'ebigambibwa okuba enjaga. 

E Bweyogerere ne Kirinnya mu Wakiso, bakutte basatu okuli Sebastian Waiswa, Moses Innocent Omara ne Jimmy Abila abagambibwa okuba aboobulabe. Bakuumirwa ku poliisi ya Kira divion. 

E Mukono Naggalama 13 bakwatiddwa e Kabembe, n'ebigambibwa okuba enjaga. 

E Kabalagala, Nsambya, Kansanga ne Kibuli 125 be bayooleddwa. 

E Wantone Mukono Central, amagye ne poliisi, bakutte 6 ne bazuula ne pikipiki 2 okutali nnamba nga kiroowozebwa babadde bazeeyambisa mu bubbi. 

Amyuka omwogezi wa poliisi mu Kampala, Luke Oweyesigyire, agambye nti bakyanoonya abalala