Paul Kyalimpa awadde amagezi ku by'obusuubuzi
ABADDE omumyuka wa Ssentebe wa FDC mu Buganda, Munnamateeka Yusuf Nsibambi asaze eddiiro mu butongole okuva mu FDC ne yeesogga ekibiina kya NRM n’awera okuleeta banne abalala abasoba mu 150 nabo abayingize mu NRM.
Paul Kyalimpa ng'ayogera
EYALI amyuka akulira ekitongole ekisizi ky'ensimbi mu ggwanga Paul Kyalimpa asonze ku bintu Bannayuganda abakaaba obwavu byebayinza okwenyigiramu okunoga ensimbi.
Kuliko okwenyigira mu by'obusuubuzi nga okutwala ebweru w'eggwanga emmere nga obummonde, amatooke, ebijanjaalo n'ebiringa ebyo oluvanyuma lw'okubakakasa ku katale. Ebirala kuliko okusuubula sipeeya w'emmotola n'okuzikola saako n' okukola amassimu.
Abadde ku National Theater mu Kampala nga ayogerako ne Bannamawulire ku ngeri minisita Matia Kasaija bwe baali bavuganya ku kifo ky'omubaka wa palamenti ekya Buyanja gyeyamuwangula mu akalulu akakaggwa.
Akatale k'ebyamaguzi naddala eby’omutindo yagambye wekali nga ekyetaagisa be Bannayuganda okuteekamu amaanyi.
Ebimu ku bigenda okwaguyisa ebyamaguzi bino okutuuka amangu mu butale z'enguudo n'asaba Gavumenti okufuba okumaliriza oluguudo lw'eggàali y'omukka okwanguyiza abasuubuzi.
Asinzidde wano, n'asaba bonna abawanguddwa mu kalulu okusookera ddala okukikiiza mu mitima nti bawangulwa oluvanyuma bakwatagane n'abawanguzi okuweereza Bannayuganda.
Abawabudde obutatabangula mirembe nti kubanga kimu ku biretera eggwanga okuddirira mu by'enfuna.
Okukkiriza nti owanguddwa Kyalimpa yagambye nti, kabonero akalaga nti omuntu mukulu mu birowoozo era yeyamye okukolagana ne Kasaija abantu be Buyanja bafune empeereza ennungi.
Yakkiriza nti Kasaija yamukubira wala mu kalulu kyokka bweyabuuziddwa ekyamulemesa okukkiriza nti yawangulwa mu kamyufu yannyonnyodde nga bwe waliwo abalonzi abaatya okwetaba mu kamyufu k'okumugongo nebaamulagira ajje nga "independent".