Amawulire
Kitalo! Ddereeva ne kondakita we bafiiridde mu kabenje ka bbaasi e Luweero
Bino bibadde ku kyalo Kiwumpa ku luguudo oluva e Kampala okudda e Gulu bbaasi ekika kya Isuzu UAL 821N eya Real Company bw’etomedde Isuzu Hino UA 951AF.
Kitalo! Ddereeva ne kondakita we bafiiridde mu kabenje ka bbaasi e Luweero
By: Samuel Kanyike, Journalist @New Vision
Ddereeva ne kondakita bafiiriddewo oluvannyuma lwa bbaasi mwe babadde okuwaba n'etomera emmotoka endala.
Bino bibadde ku kyalo Kiwumpa ku luguudo oluva e Kampala okudda e Gulu bbaasi ekika kya Isuzu UAL 821N eya Real Company bw’etomedde Isuzu Hino UA 951AF.
Ebidduka byombi bibadde biva Luweero nga bidda Kampala bbaasi n'eremerera ddereeva waayo n'eyambalira ginnaayo.
Bbaasi Eyatomedde Ne Mufiiramu Ddereeva Ne Kondaita E Luweero
Omwogezi wa poliisi mu Savanna ASP Sam Twineamazima ategeezezza nti ddereeva wa bbaasi David Mukembo ne kondakita we bafiiriddewo ate abasajja babiri nabo ababadde mu bbaasi bafunye ebisago ne baddusibwa mu ddwaliro e Kasana okujjanjabwa.
Emirambo gitwaliddwa ku ggwanika e Kasana wakati mu kusaba abakozesa enguudo okubeera abeegendereza.