Cindy awangudde awaadi ya Africa

WAKATI mu kugeraageranya ani yasinze ku Cindy ne Sheebah okucamula abadigize ku kivvulu ky’omu Jamaica ‘Spice’ ekyabaddewo ku wiikendi, Cindy awangudde engule. Wadde yabadde avuganya mu bibinja bibiri mu awaadi zino, Cindy yawanguddeko engule y’omuyimbi omukyala asinga ku lukalu lwa Afirica mu empaka za Thamani Africa Awards ezaabadde e Kenya. Zino zaatandikibwa n’ekigendererwa ky’okutumbula ekitonde ekikazi n’okusiima emirimu gye bakoze ng’abakyala mu Africa.