Amawulire
Poliisi eyodde 28 e Iganga ku by'okutigomya n'okubba abaayo
Abantu 28 abagambibwa okuba ab’omutawaana mu kutigomya n'okubba abantu e Iganga, bayooleddwa mu kikwekweto ekikoleddwa poliisi.
Poliisi eyodde 28 e Iganga ku by'okutigomya n'okubba abaayo
By: Godfrey Kigobero, Journalist @New Vision
Abantu 28 abagambibwa okuba ab’omutawaana mu kutigomya n'okubba abantu e Iganga, bayooleddwa mu kikwekweto ekikoleddwa poliisi.
Abamu ku bantu abaakwatiddwa mu kikwekweto kino.
Ekikwekweto kino, kikoleddwa mu zzooni ya Bikadho ne Bugumba A mu munisipaali y’e Iganga ssaako ne Bulubandi Central B mu ggombolola y'e Nakigo.
Kigambibwa nti bazuuliddemu ebiragala omuli n'enjaga wamu n'ebizibiti ebirala era abakwate bakuumirwa mu kaduuku ka poliisi.
Ebimu ku biragala ebyazuuliddwa ne baakutte.
Kino kiddiridde okwemulugunya okuva mu batuuze, olw'obubbi bw'okumenya amayumba, okusikambula amasimu n'obusawo, n'okuteega abantu ne babanyagako ebyabwe omuli ne ssente.
Omwogezi wa poliisi mu Busoga, East Micheal Kasdha, ategeezezza nti okubasunsulamu, kubadde kukyagenda mu maaso.