Amawulire
Ttuleyini etomedde bbaasi y'essomero ebadde etwala abayizi okulambula 3 ne bafiirawo!!
Ekikangabwa kibuutikidde abasomesa n'abayizi b'essomero lya Mwebaza High School e Kakiri my disitulikiti y'e Wakiso bbaasi eyakedde okutwala abayizi okugenda okulambula bw'etomedde ttuleyini okukkakkana ng'abayizi basatu bafiiriddewo n'abalala abawezeeko ne balumizibwa.
Ttuleyini etomedde bbaasi y'essomero ebadde etwala abayizi okulambula 3 ne bafiirawo!!
By: Henry Nsubuga, Journalist @New Vision
Ekikangabwa kibuutikidde abasomesa n'abayizi b'essomero lya Mwebaza High School e Kakiri my disitulikiti y'e Wakiso bbaasi eyakedde okutwala abayizi okugenda okulambula bw'etomedde ttuleyini okukkakkana ng'abayizi basatu bafiiriddewo n'abalala abawezeeko ne balumizibwa.
Bbaasi eyagudde e Katosi
Abayizi bano ababadde bagenda mu bitundu by'e Jinja okulambula nga babadde batambulira mu bbaasi nnamba UAU 123Q akabenje bakafunidde ku kyalo Namumira ewasalira eggaali y'omukka ku luguudo oluva e Mukono okugenda e Katosi.
Omuserikale ng'agezaako okukkakkanya abantu n'ebidduka ebyabadde byetooloddewo.
Akabenje kano kaguddewo olwaleero ku makya ku Lwokutaano. Emirambo gy’abayizi n’abalala abalumiziddwa batemeddwayo ne baddusibwa mu malwaliro ag'enjawulo.
Poliisi etuuse okuzza embeera mu nteeko omuli n'okulwana okulaba ng'akalippagano k'ebidduka kasattulukuka emmotoka ziddemu okutambula.
Abatuuze nga bakung'aanidde ku bbaasi eyakoze akabenje.