RunyankoleLugandaEnglish
Amawulire

Aba Britam basse omukago ne Airtel okwongera obubaddi mu nkola y'emirimu

Mu nkola eno empya aba kampuni ya Britam basse omukago ne kkampuni y'ebyempuliziganya eya Airtel nga kati oli bw'aba ye yambisa Airtel Money asobolera ddala okugula ' Motor third party insurance '.

Aba Britam basse omukago ne Airtel okwongera obubaddi mu nkola y'emirimu
By: Bukedde Omusunsuzi, Journalist @NewVision

EBITONGOLE bya yinsuwa byongedde okusikiriza bannansi okwetanira okweyunga kunkola zino eza yinsuwa, batongoza enkola empya buli alina essimu ey'omu ngalo mw'ayinza okuyita okusasula yinsuwa mu kaweefube ow'okwerinda ebigwa tebiraze.

Mu nkola eno empya aba kampuni ya Britam basse omukago ne kkampuni y'ebyempuliziganya eya Airtel nga kati oli bw'aba ye yambisa Airtel Money asobolera ddala okugula ' Motor third party insurance '.

Omukolo ogw'okutongoza enkola eno gwayindidde mu Kampala ku Lwokubiri, akulira Britam Uganda, Allan Mafabi, mwe yannyonyoledde nti batunuulidde okusingira ddala abantu abawansi abasookerwako nga k'obeere omulimi oba omugoba wa boda boda kasita oba nga olina essimu ey'omu ngalo kyangu kyakweyunga ku yinsuwa eno waakiri n'otandika mpola mpola okusasulira ebirime byo nga mu maaso eyo singa oba okoseddwa ekyeya babeera baggya kukuliyirira.

Bakafulu mu bya yinsuwa bwebabadde bannyonyola bannansi enkola eno empya

Bakafulu mu bya yinsuwa bwebabadde bannyonyola bannansi enkola eno empya

Yagasseeko nti  ekigendererwa si kutunda yinsuwa yokka, wabula okwanguyiza Bannayuganda okweyambisa empeereza z'okwerinda mu by'ensimbi n'okuteekateeka ebiseera eby'omu maaso.

Ye akulira Airtel Money, Japhet Aritho yategeezeza nti  oluvannyuma lw'okukyusa engeri abantu gye bakozesamu ensimbi ku ssimu, kati baagala n'okubanguyiza okwekuuma ku bulabe n'okufuna empeereza z'ebyensimbi mu ngeri enyangu.

K'obeere mu kitundu ky'eggwanga ekisingirayo ddala okubeera eky'ewala olw'okuba olina essimu kati kyangu kyakweyunga ku nkola zino eza yinsuwa.

Tags:

Emboozi Ezifanagana

Amawulire

Ababadde bavunaanibwa ogw'okumalako bannakampala emirembe balagiddwa okusasula engassi ya mitwalo 20 oba okusibibwa emyezi 4

Amawulire

Gavumenti egenda kwanjulira eggwanga ebiragiro ebirina okugobererwa mu kukola bulungibwansi

Amawulire

Kkooti ekkirizza Brian White okweyimirirwa ku obukadde 10 ez'obuliwo ezimulagiddwa ateeke ku akaawunti y'essiga eddamuzi

Amawulire

Poliisi ekutte 27 ku by'okutigomya Kampala ne Wakiso

Amawulire

Enteekateeka z'okutuusa Enjole y'Omukama Oyo nga bwe yalambikiddwa Gavumenti

Amawulire

Akakiiko ka Statehouse kaagala ensonga z'abamusigansimbi zikolebweko mu bwangu