Akabenje Ddekabusa bannamawulire babiri bafiiriddewo n'omulala omu n'aweebwa ekitanda ng'ali bubi,

ABAKOZI ba Next Media  babiri, bafiiriddewo n'omulala omu n'aweebwa ekitanda ng'ali bubi, mu kabenje akagudde e Namulanda ku luguudo oludda e Ntebe.

Abafudde, kuliko Badru Kasirye ne Isaac Ndamagye ate ye Brain Makona n'alumizibwa .Akabenje, kabaddewo ku ssaawa nga Munaana mu kiro ekikeesezza leero okumpi ne Stabex, mmotoka nnamba UA 779DE Toyota Alex ebadde eva e Kampala bw'etomereganye n'endala UAS 976 W ebadde eva e Ntebe ng'eyolekera Kampala babiri ne bafa omu n'alumizibwa.

Emmotoka Bannamawulire mwebabadde batambulira

Kigambibwa nti ono owa double cabine,  avudde ku ludda lwe, n'alumba emmotoka omubadde abakozi ba Next Media n'ebagoya.

Omwogezi wa poliisi y'ebidduka,Micheal Kananura , agambye nti okunoonyereza ku kivuddeko akabenje kano, kugenda mu maaso.