Amawulire
Omusajja agambibwa okubba ppikipiki ku b'e Nsangi n'okwetooloola akwatiddwa
Mu kikwekweto ekyo era bazuuliddemu pikipiki nnamba UGG 521 D Bajaj Boxer egambibwa okuba nti yabbiddwa ku nnyini yo okuva e Mugongo cell e Kyengera, omusaabaze gwe yabadde aggye ku Acacia e Kamwokya, bwe yamwefuulidde n'abalala babiri ab'ebijambiya be yasanze mu kkubo.
Omusajja agambibwa okubba ppikipiki ku b'e Nsangi n'okwetooloola akwatiddwa
By: Godfrey Kigobero, Journalist @New Vision
OMUSAJJA agambibwa okuba ng'aludde ng'abba pikipiki okuva ku bazivuga mu bitundu by'e Nsangi, Maya, Kyengera,Nabbingo ne Busega, akwatiddwa poliisi.
Mu kikwekweto ekyo era bazuuliddemu pikipiki nnamba UGG 521 D Bajaj Boxer egambibwa okuba nti yabbiddwa ku nnyini yo okuva e Mugongo cell e Kyengera, omusaabaze gwe yabadde aggye ku Acacia e Kamwokya, bwe yamwefuulidde n'abalala babiri ab'ebijambiya be yasanze mu kkubo.
Akwatiddwa, ye Yusuf Mweruka 31, omutuuze w'e Nsangi Central e Kyengera mu Wakiso era nga kigambibwa nti pikipiki eyo, baagibbye ggulo ne bagitereka mu Savanna Parking era gye bamukwatidde ng'ategeka kugitunda mu Ndeeba.
Omwogezi wa poliisi mu Kampala n'emiriraano, Racheal Kawala, agambye nti omuyiggo gw'abalala, gugenda mu maaso.