"Musse ekitiibwa mu ddembe ly'obuntu"

OMUDUUMIZI w'ekitongole ky'amakomera mu ggwanga, Dr. Johnson Byabashaija, akalaatidde abaserikale okwongera okukuuma empisa, obwerufu, okubeera abakugu ku mirimu , n'okussa ekitiibwa mu ddembe ly'obuntu.

Abaserikale b'amakomera abaabadde mu musomo

Okutendekebwa kwetooloolera ku mulamwa gw'empisa, ekitiibwa  n'enkulaakulana : mu ndabika empya eya makomera.  { Discipline , Dignity and Development :The new Face of Uganda Prisons Service }

Byabashaija, agambye nti okutendekebwa, kugendereddwamu okunyweza enkolagana ku mitendera egy’enjawulo, okwongera okubangula abakulembeze mu bukodyo obw'enjawulo eri be bakulembera n'abasibe.

Abasabye okusookanga okwebuuza nga tebannakola kusalawo kwankomeredde, okukuuma obulungi abasibe ne babatwala awamu n'okubalambula nga.

Ye akulira entambuza y'emirimu mu kitongole ky'amakomera mu ggwanga, Assistant Commissioner General, John Bosco Tumwebaze, agambye nti okutendekebwa kuno, kwakuyamba okwongera okutereeza enkola y'emirimu mu kitongole .