Amawulire
Ekitongole ky'amakomera kitaddewo obukadde 10 eri oyo anazuula omusirikale waabwe ey'akuba abantu bana amasasi ne bafa
Ekitongole ky'amakomera kitaddewo obukadde 10 eri oyo anazuula omusirikale waabwe ey'akuba abantu bana amasasi ne bafa
Omwogezi w'ekitongole ky'amakomera ng'annyonnyola
By: Godfrey Kigobero, Journalist @New Vision
Omuduumizi w'ekitongole ky'amakomera mu ggwanga Dr Johnson Byabashaija, ataddewo obukadde 10 eri oyo anaabawa amawulire agakwatagana ku musirikale w'ekitongole kino, agambibwa okukuba abantu bana amasasi agaabatta e Kiboga.
Ettemu lino, lyaliwo wiiki nga bbiri eziyise e Kiboga, omisirikale nnamba 13544 Moses Anguyo, gy'agambibwa okukubira amasasi amyuka mukamaawe, n'amudirira, mukamukamaawe n'omwana waabwe n'abatta.
Yasuulawo emmundu n'ebyambalo n'abulawo era ng'okuva olwo, bamunoonya.
Omwogezi w'ekitongole ky'amakomera mu ggwanga, Frank Baine, agambye nti bataddewo ekirabo kya bukadde 10 eri oyo abeera amulabye nga bategeeza, a boobuyinza.