Poliisi e Bukomansimbi ekutte abantu musanvu bagiyambeko mu kunonyereza ku basse omutuuze

POLIISI mu Disitulikiti ye Bukomansimbi ekutte abantu 7 bagiyambeko mukunoonyereza ku ttemu eryakoleddwa ku musajja mukulu Steven Nsokyeye.

Steven Nsokyeye  53  nga Ono mutuuze ku kyalo Mijjunwa mu Kiganganzi town council yattemuddwa mu bukambwe oluvanyuma lw'abatemu okumuzindukiriza ng'adda ewaka ne bamufumita ebiso ebyamuttiddewo.

Poliisi ng'eggyawo omugenzi

Omulambo gwa Nsokyeye gusangiddwa mu luguudo wakati nga gugangalamye mu kitaba ky'omusaayi abatuuze kwekusalawo okuyita poliisi ye Bukomansimbi bukubirire nayo esitukiddemu okulaba ogubadde.

Bambega ba poliisi bekebeze ekifo omwattiddwa Nsokyeye era ne kwata abantu musanvu bagiyambeko okunoonyereza okuzuula Robert Tumusiime agambibwa okuba emabega w'ettemu lino.

Omwogezi wa Poliiis mu Greater Masaka Twaha Kasirye ng'annyonnyola

Abatuuze nga bakulembeddwamu Ssentebe w'ekyalo Tonny Kakooza balaze okutya olw'ettemu erisuse mu Bukomansimbi nga kino bakitadde ku bantu abatamanyiddwa abeyongedde okusenga mu bitundu by'abwe bwebatyo ne basaba ab'ebyokwerinda okubayambako ku nsonga eno.

Omwogezi wa poliisi mu bbendobendo lye masaka Twaha Kasirye akakasizza ettemu lino n'okukwatibwa kw'abantu 7 nategeezza nga okunoonyerezza bwekugenda mu maaso