Amawulire
Abasajja 2 abagambibwa okubbisa eryanyi basindikiddwa Luzira
Ronald Isabirye 40, ne Joel Kulaba 19 be basimbiddwa mu maaso g'omulamuzi Nicholas Aisu ne basomerwa omusango gw'okubbisa eryanyi.
Abasajja 2 abagambibwa okubbisa eryanyi basindikiddwa Luzira
By: Racheal Nankya, Journalist @New Vision
ABASAJJA babiri abagambibwa okubbisa eryanyi basindikiddwa Luzira ku alimanda
Ronald Isabirye 40, ne Joel Kulaba 19 be basimbiddwa mu maaso g'omulamuzi Nicholas Aisu ne basomerwa omusango gw'okubbisa eryanyi.
Bano tebakkiriziddwa kubaako kye boogera kubanga omusango guno gulina kuwulirizibwa kkooti nkulu yokka era ne gwongezebwayo okutuuka nga November 4, 2026 lwe banaakomezebwawo mu kkooti.
Okusinziira ku ludda oluwaabi olwakulembeddwa Mercy Yamangusho Khaidara kigambibwa nti Ronald Isabirye 40, omuvuzi wa bbooda omutuuze e Kawempe ne Joel Kulaba 19, omutuuze mu zzooni ya Kibumbiro mu diviizoni y'e Lubaga n'abalala abakyanoonyezebwa babbisa eryanyi
Kigambibwa nga October 20, 2026 mu zzooni ya Kitara e Kawempe babba obukadde 5 okuva ku Lamura Najjuko oluvannyuma ne bamufumita ekiso.