Amawulire
Kitalo! Omusajja afumise muliraanwa we amummye akasumuluzo ka ttooyi n'amutta!
Omusajja gwe bammye akasumuluzo ka ttooyi, avudde mu mbeera n'afumita ekiso akamummye n'amutta.
Kitalo! Omusajja afumise muliraanwa we amummye akasumuluzo ka ttooyi n'amutta!
By: Godfrey Kigobero, Journalist @New Vision
Omusajja gwe bammye akasumuluzo ka ttooyi, avudde mu mbeera n'afumita ekiso akamummye n'amutta.
Abatuuze naye bamuyizze gy'abadde yeekukumye ne bamukkakkanako ne bamukuba ne bamutta.
Bibadde ku kyalo Ntale e Kalungu, omusajja ategeerekese nga Dan, bw'asse muliraanwa we Rehema Nabukeera abadde asula ku nnyumba z'omugenzi Mathias, bw'amusabye akasumuluzo n'akamumma.
Kigambibwa nti mu busungu, Dan agenze mu nnyumba ye mmita nga 200 n'aggyayo akaso k'amufumise n'adduka ne yeekweka mu nnyumba ye, abatuuze gye bamusanze naye ne bamutta.
Omwogezi wa poliisi e Masaka, Twaha Kasirye, avumiridde ebikolwa bino, n'agamba nti bali mu kunoonyereza.