Amawulire
Emisango gy’obululu gitandise na bbugumu mu kkooti ez’enjawulo
Emisango gy’obululu gitandise na bbugumu mu kkooti ez’enjawulo
Rose Nalubowa (ku kkono) eyawawaabira minisita Nameere ng’ali n’ababaka Gyaviira Lubowa Sebina ne Yusuf Nkerattanyi attunka n’eyali minisita Vincent Bamulangaki Ssempijja. Baabadde mu kkooti e Masaka
By: Bukedde Omusunsuzi, Journalist @NewVision
OKUWULIRA emisango gy’ababaka ba Palamenti kutandise mu kkooti zonna okwetooloola eggwanga ng’abawaaba baakedde ku kkooti ez’enjawulo okusuuza be baawaabira ebifo.
Ebifo by’ababaka ba Palamenti 107 by’ebiri mu lusuubo ng’abaawangulwa bawakanya obuwanguzi bw’abo abaalangirirwa akakiiko k’ebyokulonda era abasinga banokolayo vvulugu eyeetobeka mu kulonda naddala okubba obululu mu bifo eby’enjawulo awaalonderwa. Emisango gyonna egyawaabwa akakiiko k’ebyokulonda kwekali ng’omuwawaabirwa.
Medard Lubega Ssegona munnamateeka w’ababaka Abudallah Kiwanuka ne Betty Nambooze, ng’aliko by’annyonnyola oluvannyuma lwa kkooti e Mukono.
NALUBOWA YEEWEREDDE NAMEERE
Rose Nalubowa yawaabira Justine Nameere era ono talabiseeko mu kkooti oluvannyuma lwa munnamateeka we, Anthony Bazira okutegeeza nti abadde mu lutuula lwa baminisita olubaayo buli Mmande.Alexander Lule munnamateeka w’oludda oluwaabi yategeezeza omulamuzi Bernard Namanya nti tebalina ssuubi kujja nta mu musango guno era nga bazze beetegese okutandika okuwulira n’okulindirira ebinaavaamu. Omusango guno guddamu leero okukkanya ku ngeri gye gugenda okuwulirwamu.
SSEMPIJJA ALEMEDDEKO OKUSUUZA NKERETTANYI
Eyali minisita w’ebyokwerinda Vincent Bamulangaki Ssempijja yasabye kkooti emukkirize aweebwe obudde awaabe oluvannyuma lw’okuba nti omusango yaguwaaba buyiseeko.
Bino by’abadde ew’omulamuzi Joyce Kavuma. Ssempijja ng’ayita mu munnamateeka we, Patrick Kasumba yategeezezza nti kituufu obudde bwe yateerayo omusango gw’okubbibwako obuwanguzi bwe bwali buyiseeko naye n’asaba akkirizibwe okuddamu okuwaaba.
Ssempijja yaddukira mu kkooti ng’agamba nti Yusuf Nkerettanyi (NUP) yatwala obuwanguzi bwe bwe yeekobaana n’akakiiko k’ebyokulonda ne bakyuusa ebyali bivuddemu mu bitundu eby’enjawulo mu Kalungu East.
Puliida wa Nkerettanyi, Kenneth Paul Kakande yagezezzaako okuwakanya okusaba kwa Ssempijja wabula omulamuzi n’abalagira okuteekayo obujulizi bwabwe nga waakuwa ensala ku Lwokubiri lwa wiiki ejja.
RUBONGOYA ALEMEDDEKO KU KYA KAMPALA CENTRAL
Emisango egyasooseewo mu Kkooti Enkulu mu Kampala, ssaabawandiisi wa NUP, David Lewis Rubongoya yakedde mu kkooti okuwulira gwe yawaabira nga ye minisita wa Kampala, Hajjati Minsa Kabanda.
Rubngoya yanokeddeyo ebifo okuli Pioneer Mall Parking, Shawuriyaako A Bus Park, Nakivubo Road, Lubaga Road LC Meeting Place, Busonian Club, Kakajjo, Bugambaki Road, Greater Envangelist Church n’ebifo ebirala by’ayagala kkooti eragire akakiiko k’ebyokulonda kaleete ebiwandiiko okujjuzibwamu ebivudde mu kulonda (DR Forms) ez’ebifo ebyo.
Guli wa mulamuzi Flavia Nabakooza era yabawadde olwa October 1, 2026 lwe banadda mu kkooti.
NYANZI NE NSEREKO BATTUNKA
Fred Nyanzi Ssentamu yasitudde mukyala we, abooluganda n’abawagizi be okulwanirira obuwanguzi bwe ku kya Kawempe South. Ono awakanya obuwanguzi bwa Madinah Nsereko era yasitudde bannamateeka abaakulembeddwa Alex Luganda ne Robert Rutaro abaagambye nti obuwanguzi bwe bwanyagibwa nga mu bitundu ebimu baamuwanga obululu butono ku obwo bwe yali afunye, ate mu bitundu ebirala obululu bwe ne buweebwa Nsereko. Yasabye akakiiko k’ebyokulonda kamuwe empapula ezaagattirwako ebyava mu bululu. Bali wa mulamuzi Faridah Bikirwa.
KKOOTI ERAGIDDE WAISWA MUFUMBIRO ALEETEBWE
Alex Waiswa Mufumbiro nga mu kiseera kino ali mu kkomera yawaaba ng’awakanya obuwanguzi bwa Fred Ruhindi, ku kya Nakawa East. Omulamuzi bwe yasomye omusango nga Waiswa taliiwo n’ategeeza nga bwe yalagira abamakomera okumuleeta, wabula yeewuunyizza nga tebaakikoze. Kkooti yazzeemu okuyisa ekiragiro aleetebwe mu lutuula oluddako. Mu musango akiikirirwa kitaawe, Moses Baligeya ne muganda we Keneth Kato.
MULYANYAMA BAMWESIMBYEMU
SSENYONYI ALEESE NALUKOOLA OKUMEGGA BWOWE
Omulamuzi Nshimye yawuliriza n’omusango gw’akulira oludda oluvuganya Joel Ssenyonyi ng’ono gweyali avuganya naye Ivan Bwowe awakanya ensobi eyakolebwa mu kubawandiisa okuvuganya mu kifo ekya Nakawa West nga ye agamba nti konsitiwensi eno eyitibwa Nakawa Division West sso si Nakawa West nga bwe baawandiisibwa. Balagiddwa okuddayo ku Lwokusatu nga September 16, 2026.
BUSIRO SOUTH NAYO BAATANDISE
Omulamuzi James Kalemani owa kkooti ye Ntebe yayongeddeyo omusango guno okusobola okuwulira okusaba okuva eri oludda lwa Charles Matovu kwe yawandiikira kkooti okufuna obujulizi okuva mu kakiiko k’ebyokulonda era waakuwa ensala nga September 25. Samuel Muyizi Mulindwa awolereza Matovu yagambye nti baasaba akakiiko k’ebyokulonda obujulizi ne kagaana kati baawandiikidde kkooti ekalagire okubawa obujulizi obwo era okusalawo kwakukolebwa nga September 25.
EYAWAABIRA MINISTA NAMUGANZA ASABYE BAMWONGEREYO OBUDDE
Okuwulira oguvunaanibwa minisita omubeezi ow’amayumba n’ettaka, Persis Namuganza mu kkooti enkulu e Iganga gwatandise nabbugumu oludda oluvunaana olwa munna NRM, Emmanuel Katoko Maganda bwe lwasabye omulamuzi okubongerayo obudde okusobola okuleeta obujulizi obwetaagisa. Kino omulamuzi Patience Tumusiima yakikkiriza n’abawa ennaku bbiri ng’omusango gwakudda nga September 18, 2026.
E MUKONO EBYOKWERINDA BYANYWEZEDDWA
Ebyokwerinda byabadde binywezeddwa ku kkooti enkulu e Mukono ng’okuwulira emisango kutandika. Ogwasoose gwe gwa Dr. Daisy Sarah Ssonko omu ku baavuganya ku ky’omubaka wa munisipaali y’e Mukono ng’ayagala kuggyayo Betty Nambooze Bakireke. Ssonko ayagala kkooti yeekenneenye ebyava mu kulonda kuddibwemu. Bali wa mulamuzi Godfrey Himbaza.
Ogwa Ronald Kibuule gwe yassaamu ng’awakanya obuwanguzi bwa Abdallah Kiwanuka Mulimamayuuni ku ky’omubaka owa Mukono North nagwo gwatandise.
EGY’E JINJA NAGYO GYATANDISE
Abalamuzi Aida Nakiganda ne Vincent Wegona baatandise okuwulira emisango egyawaabwa nga kuliko ogwa Amon Dhizaala ng’awaabirwa Matayo Bazanya ku kya Bugabula South, Fredrick Munyiirwa ng’awakanya obuwanguzi bwa Moses Walyomu Muwanika ku ky’omubaka wa Kagoma County. Emirala kuliko eyaliko Omubaka Moses Grace Balyeku ng’ayagala kuggyayo Dr. Lusala Batuwa ku kya Jinja South West, Jacob Kabondo awawaabira omubaka wa Busedde, Grace Kirya Wanzala n’ogwa Mubarak Kirunda ng’avunaana Meeya wa Jinja City, Al Hajji Abudalahafiq Nagayi.
EYAWAWAABIRA KINYAMATAMA ASOBEDDWA
Grace Nalubega eyawawaabira Juliet Ssuubi Kinyamatama byamusobedde bwe yatuuse mu kkooti nga fayiro okuli obujulizi bwe terabikako. Wabula puliida we, Jude Mbabaali yakakasizza nti buli kimu kyakutereezebwa era balina n’obujjulizi obupya bwe baagala okwongeramu . Baakudda mu kkooti nga September 17.
Ate minisita w’ebyamazzi era omubaka wa Kalungu, Aisha Ssekindi ng’ono yawawaabirwa Hellen Nakeeya yategezezza nti obujulizi bwonna weebuli bw’agenda okwesigamako okulaba ng’awangula omusango guno.
OGWA SARAH NKONGE GWATANDISE
Omulamuzi Comfort Rosette Kania yatandise okuwulira ogwa Dr. Sarah Nkonge gwe yassaamu ng’awakanya obuwanguzi bwa Cissy Namujju ku ky’omubaka omukyala owa Lwengo. Nkonge alumiriza Namujju okugulirira abalonzi n’okugulirira akakiiko k’ebyokulonda ne kamulangirira mu bukyamu.
Mu ngeri y’emu omulamuzi Kania yayongezzaayo okuwulira omusango gw’ebyokulonda ogwawawaabirwa munnakibiina kya NUP era omubaka omukyala owa disitulikiti y’e Kyotera, Fortunate Nantongo ogwaloopebwa Sikola Kalibbala (NRM) ng’ayagala kkooti esazeemu obuwanguzibwe.
EYAWAWAABIRA GYAVIIRA E RAKAI ABIVUDDEKO
Amos Mandera eyawaabira omubaka wa Buyamba e Rakai Gyaviira Ssemwanga yalaze nga bw’aggye enta mu musango guno ng’agamba yakikoze lwa bulungi bwa kibiina kya NRM.
Munnamateeka we, Shemu Ssengendo yategeezeza omulamuzi Bernard Namanya nti Mandera mulwadde era nga yamulagidde nti takyayagala kugenda mu maaso na musango guno n’asalawo kkooti egugobe. Munnamateeka wa Gyavira, Joseph Kyazze yagambye nti tebalina buzibu n’ekyasaliddwaawo n’agamba nti wabula babadde beetegese nga balinze buwanguuzi.
Omulamuzi Namanya yalagidde okuggyibwayo kw’omusango guno kikolebwe mu buwandiike
OGWA SSEWUNGU NAGWO GWATANDISE
Ogwa Kalungu West, Ismael Ssemakula gwe yawaabira omubaka Joseph Ssewungu nagwo gwatandise, bannamateeka ba Ssewungu ne basaba kkooti ebakkirize baleete kafulu mu kwekenneenya emikono n’empandiika nga bagamba nti empapula abawaabi ze baaleeta tebazeeekakasa nga n’omuntu gwe baakozesa tamanyiddwa era kkooti nekkiriziganya nabo. Omulamuzi abalagidde okudda nga September 23 okugenda mu maaso n’okuwulira.
Ate Veronica Nanyondo eyawaabira Ruth Katushabe n’akakiiko k’ebyokulonda olwokulangirira omuntu omukyamu n’okukyuusa ebyava mu kulonda. Munnamateeka we, Asuman Nyonyintono yategeezeza omulamuzi Rosette Comfort Kania nti emivuyo egyakolebwa e Bukomansimbi era bakomekkereza Nanyondo ateereddwa mu kyapa kya Gavumenti kyokka oluvannyuma n’aggyibwamu. Omulamuzi abawadde September 23, 2026 lwe bagenda okuddamu okuwulira obujulizi mu musango guno
Eyali minisita w’ebyokwerinda Vincent Bamulangaki Ssempijja yasabye kkooti emukkirize aweebwe obudde awaabe oluvannyuma lw’okuba nti omusango yaguwaaba buyiseeko.
Bino by’abadde ew’omulamuzi Joyce Kavuma. Ssempijja ng’ayita mu munnamateeka we, Patrick Kasumba yategeezezza nti kituufu obudde bwe yateerayo omusango gw’okubbibwako obuwanguzi bwe bwali buyiseeko naye n’asaba akkirizibwe okuddamu okuwaaba.
Ssempijja yaddukira mu kkooti ng’agamba nti Yusuf Nkerettanyi (NUP) yatwala obuwanguzi bwe bwe yeekobaana n’akakiiko k’ebyokulonda ne bakyuusa ebyali bivuddemu mu bitundu eby’enjawulo mu Kalungu East.
Puliida wa Nkerettanyi, Kenneth Paul Kakande yagezezzaako okuwakanya okusaba kwa Ssempijja wabula omulamuzi n’abalagira okuteekayo obujulizi bwabwe nga waakuwa ensala ku Lwokubiri lwa wiiki ejja.
Rubongoya mu kkooti.
RUBONGOYA ALEMEDDEKO KU KYA KAMPALA CENTRAL
Emisango egyasooseewo mu Kkooti Enkulu mu Kampala, ssaabawandiisi wa NUP, David Lewis Rubongoya yakedde mu kkooti okuwulira gwe yawaabira nga ye minisita wa Kampala, Hajjati Minsa Kabanda.
Rubngoya yanokeddeyo ebifo okuli Pioneer Mall Parking, Shawuriyaako A Bus Park, Nakivubo Road, Lubaga Road LC Meeting Place, Busonian Club, Kakajjo, Bugambaki Road, Greater Envangelist Church n’ebifo ebirala by’ayagala kkooti eragire akakiiko k’ebyokulonda kaleete ebiwandiiko okujjuzibwamu ebivudde mu kulonda (DR Forms) ez’ebifo ebyo.
Guli wa mulamuzi Flavia Nabakooza era yabawadde olwa October 1, 2026 lwe banadda mu kkooti.
NYANZI NE NSEREKO BATTUNKA
Fred Nyanzi Ssentamu yasitudde mukyala we, abooluganda n’abawagizi be okulwanirira obuwanguzi bwe ku kya Kawempe South. Ono awakanya obuwanguzi bwa Madinah Nsereko era yasitudde bannamateeka abaakulembeddwa Alex Luganda ne Robert Rutaro abaagambye nti obuwanguzi bwe bwanyagibwa nga mu bitundu ebimu baamuwanga obululu butono ku obwo bwe yali afunye, ate mu bitundu ebirala obululu bwe ne buweebwa Nsereko. Yasabye akakiiko k’ebyokulonda kamuwe empapula ezaagattirwako ebyava mu bululu. Bali wa mulamuzi Faridah Bikirwa.
KKOOTI ERAGIDDE WAISWA MUFUMBIRO ALEETEBWE
Alex Waiswa Mufumbiro nga mu kiseera kino ali mu kkomera yawaaba ng’awakanya obuwanguzi bwa Fred Ruhindi, ku kya Nakawa East. Omulamuzi bwe yasomye omusango nga Waiswa taliiwo n’ategeeza nga bwe yalagira abamakomera okumuleeta, wabula yeewuunyizza nga tebaakikoze. Kkooti yazzeemu okuyisa ekiragiro aleetebwe mu lutuula oluddako. Mu musango akiikirirwa kitaawe, Moses Baligeya ne muganda we Keneth Kato.
MULYANYAMA BAMWESIMBYEMU
Judith Abaho ne Francis Lubega be baawaaba okusuuza Hajji Ali Kasirye Mulyanyama ku kya Makindye East. Bano bagamba nti waaliwo obutali bwenkanyamu kalulu era Lubega awakanya obuwanguzi bwa Mulyanyama nga yeesigama ku biwandiiko bye ebyobuyigirize. Baalagiddwa okukomawo mu kkooti nga September 17, 2026 nga emisango giri mu maaso g’omulamuzi Allan Nshimye.
Fred Nyanzi (ku ddyo) ne munnamateeka we Alex Luganda nga bava mu kkooti ku musango mwe yawawaabirira Madinah Nsereko mu kifo ky’omubaka wa Kawempe South.
SSENYONYI ALEESE NALUKOOLA OKUMEGGA BWOWE
Omulamuzi Nshimye yawuliriza n’omusango gw’akulira oludda oluvuganya Joel Ssenyonyi ng’ono gweyali avuganya naye Ivan Bwowe awakanya ensobi eyakolebwa mu kubawandiisa okuvuganya mu kifo ekya Nakawa West nga ye agamba nti konsitiwensi eno eyitibwa Nakawa Division West sso si Nakawa West nga bwe baawandiisibwa. Balagiddwa okuddayo ku Lwokusatu nga September 16, 2026.
BUSIRO SOUTH NAYO BAATANDISE
Omulamuzi James Kalemani owa kkooti ye Ntebe yayongeddeyo omusango guno okusobola okuwulira okusaba okuva eri oludda lwa Charles Matovu kwe yawandiikira kkooti okufuna obujulizi okuva mu kakiiko k’ebyokulonda era waakuwa ensala nga September 25. Samuel Muyizi Mulindwa awolereza Matovu yagambye nti baasaba akakiiko k’ebyokulonda obujulizi ne kagaana kati baawandiikidde kkooti ekalagire okubawa obujulizi obwo era okusalawo kwakukolebwa nga September 25.
EYAWAABIRA MINISTA NAMUGANZA ASABYE BAMWONGEREYO OBUDDE
Okuwulira oguvunaanibwa minisita omubeezi ow’amayumba n’ettaka, Persis Namuganza mu kkooti enkulu e Iganga gwatandise nabbugumu oludda oluvunaana olwa munna NRM, Emmanuel Katoko Maganda bwe lwasabye omulamuzi okubongerayo obudde okusobola okuleeta obujulizi obwetaagisa. Kino omulamuzi Patience Tumusiima yakikkiriza n’abawa ennaku bbiri ng’omusango gwakudda nga September 18, 2026.
E MUKONO EBYOKWERINDA BYANYWEZEDDWA
Ebyokwerinda byabadde binywezeddwa ku kkooti enkulu e Mukono ng’okuwulira emisango kutandika. Ogwasoose gwe gwa Dr. Daisy Sarah Ssonko omu ku baavuganya ku ky’omubaka wa munisipaali y’e Mukono ng’ayagala kuggyayo Betty Nambooze Bakireke. Ssonko ayagala kkooti yeekenneenye ebyava mu kulonda kuddibwemu. Bali wa mulamuzi Godfrey Himbaza.
Ogwa Ronald Kibuule gwe yassaamu ng’awakanya obuwanguzi bwa Abdallah Kiwanuka Mulimamayuuni ku ky’omubaka owa Mukono North nagwo gwatandise.
EGY’E JINJA NAGYO GYATANDISE
Abalamuzi Aida Nakiganda ne Vincent Wegona baatandise okuwulira emisango egyawaabwa nga kuliko ogwa Amon Dhizaala ng’awaabirwa Matayo Bazanya ku kya Bugabula South, Fredrick Munyiirwa ng’awakanya obuwanguzi bwa Moses Walyomu Muwanika ku ky’omubaka wa Kagoma County. Emirala kuliko eyaliko Omubaka Moses Grace Balyeku ng’ayagala kuggyayo Dr. Lusala Batuwa ku kya Jinja South West, Jacob Kabondo awawaabira omubaka wa Busedde, Grace Kirya Wanzala n’ogwa Mubarak Kirunda ng’avunaana Meeya wa Jinja City, Al Hajji Abudalahafiq Nagayi.
EYAWAWAABIRA KINYAMATAMA ASOBEDDWA
Grace Nalubega eyawawaabira Juliet Ssuubi Kinyamatama byamusobedde bwe yatuuse mu kkooti nga fayiro okuli obujulizi bwe terabikako. Wabula puliida we, Jude Mbabaali yakakasizza nti buli kimu kyakutereezebwa era balina n’obujjulizi obupya bwe baagala okwongeramu . Baakudda mu kkooti nga September 17.
Ate minisita w’ebyamazzi era omubaka wa Kalungu, Aisha Ssekindi ng’ono yawawaabirwa Hellen Nakeeya yategezezza nti obujulizi bwonna weebuli bw’agenda okwesigamako okulaba ng’awangula omusango guno.
OGWA SARAH NKONGE GWATANDISE
Omulamuzi Comfort Rosette Kania yatandise okuwulira ogwa Dr. Sarah Nkonge gwe yassaamu ng’awakanya obuwanguzi bwa Cissy Namujju ku ky’omubaka omukyala owa Lwengo. Nkonge alumiriza Namujju okugulirira abalonzi n’okugulirira akakiiko k’ebyokulonda ne kamulangirira mu bukyamu.
Mu ngeri y’emu omulamuzi Kania yayongezzaayo okuwulira omusango gw’ebyokulonda ogwawawaabirwa munnakibiina kya NUP era omubaka omukyala owa disitulikiti y’e Kyotera, Fortunate Nantongo ogwaloopebwa Sikola Kalibbala (NRM) ng’ayagala kkooti esazeemu obuwanguzibwe.
EYAWAWAABIRA GYAVIIRA E RAKAI ABIVUDDEKO
Amos Mandera eyawaabira omubaka wa Buyamba e Rakai Gyaviira Ssemwanga yalaze nga bw’aggye enta mu musango guno ng’agamba yakikoze lwa bulungi bwa kibiina kya NRM.
Munnamateeka we, Shemu Ssengendo yategeezeza omulamuzi Bernard Namanya nti Mandera mulwadde era nga yamulagidde nti takyayagala kugenda mu maaso na musango guno n’asalawo kkooti egugobe. Munnamateeka wa Gyavira, Joseph Kyazze yagambye nti tebalina buzibu n’ekyasaliddwaawo n’agamba nti wabula babadde beetegese nga balinze buwanguuzi.
Omulamuzi Namanya yalagidde okuggyibwayo kw’omusango guno kikolebwe mu buwandiike
OGWA SSEWUNGU NAGWO GWATANDISE
Ogwa Kalungu West, Ismael Ssemakula gwe yawaabira omubaka Joseph Ssewungu nagwo gwatandise, bannamateeka ba Ssewungu ne basaba kkooti ebakkirize baleete kafulu mu kwekenneenya emikono n’empandiika nga bagamba nti empapula abawaabi ze baaleeta tebazeeekakasa nga n’omuntu gwe baakozesa tamanyiddwa era kkooti nekkiriziganya nabo. Omulamuzi abalagidde okudda nga September 23 okugenda mu maaso n’okuwulira.
Ate Veronica Nanyondo eyawaabira Ruth Katushabe n’akakiiko k’ebyokulonda olwokulangirira omuntu omukyamu n’okukyuusa ebyava mu kulonda. Munnamateeka we, Asuman Nyonyintono yategeezeza omulamuzi Rosette Comfort Kania nti emivuyo egyakolebwa e Bukomansimbi era bakomekkereza Nanyondo ateereddwa mu kyapa kya Gavumenti kyokka oluvannyuma n’aggyibwamu. Omulamuzi abawadde September 23, 2026 lwe bagenda okuddamu okuwulira obujulizi mu musango guno