Amawulire
Emmeeri ya MV NODL eddamu okukola olunaku lw'enkya
Emmeeri eya MV NODL ebadde yayimiriza emirimu gyayo okuva e Bukasa nga edda e Nakiwogo yakuddamu okukola olunaku olw’enkya oluvannyuma lw’okuddabirizibwa.
MV NODL esaabaza abantu okubaggya e Bukasa ng'edda e Nakiwogo.
By: Nkuba Samuel, Journalist @New Vision
Emmeeri eya MV NODL ebadde yayimiriza emirimu gyayo okuva e Bukasa nga edda e Nakiwogo yakuddamu okukola olunaku olw’enkya oluvannyuma lw’okuddabirizibwa.
Eno yafuna obuzibu mu mwezi ogw'omunaana yingini zaayo bwezalemererwa olw’obutimba obwazika.
Okusinziira ku kiwandiiko ekifulumiziddwa aba Nation Oil Distributors Limited (NODL) emmeeri yakuva e Nakiwogo ku ssaawa munaana (8) nga edda e e Kiwungu ku kizinga Bukasa era yakusimbula okuva e Kiwungu ku lunaku olw'okuna ssaawa bbiri (2) ez’okumakya.
“Tusobodde okujiddaabiriza amangu olw’ensonga nti abantu baffe tebakyasobola kukozesa binaala ate bali mukadde kakuzza baana ku masomero naye tusubira mu bbanga eritali ly’ewala ejja kugenda ku dry dock,” Hajji Sadala Musoke akulira NODL bwategezezza.
Ono asabye abavubi obutatega butimba mu kkubo emmeeri eno mweyita nti kubanga okufa kwaayo kwekyava era obuwereza ne butataagana nga ejjiddwaawo.
Abalunyanja n’okusinga ku kizinga kye Bukasa babadde batandise okukukuluma nga bagamba nti Gavumenti ebalese baddeyo mu binaala ebyabayiwangamu era bazze bawulirwako kumikutu emigatta bantu nga bebuuza kyebazaako