Amawulire
Ab'emmundu bakubye ssemaka amasasi agamusse ku ggeeti ye ng'ava ku mulimu
ABAZIGU ab'emmundu basindiridde ssemaka amasasi agamuttiddewo mu kiro ekikeesezza leero e Nsangi.
Ab'emmundu bakubye ssemaka amasasi agamusse ku ggeeti ye ng'ava ku mulimu
By: Godfrey Kigobero, Journalist @New Vision
ABAZIGU ab'emmundu basindiridde ssemaka amasasi agamuttiddewo mu kiro ekikeesezza leero e Nsangi.
Ettemu libadde Manja Cell mu Kyengera Town Council e Wakiso, abazigu ab'emmundu, bwe bakubye Ediriisa Ssekandi 47 amasasi agamusse ku ssaawa nga 3:00 mu kiro ekikeesezza leero.
Ssekandi abadde musuubuzi era ng'abadde abeera mu zzooni eyo. Kigambibwa nti abadde ne mukyala we ne mutabani waabwe mu mmotoka ekika kya Subaru Forester nnamba UA 401 DN nga bava e Kitemu gye bakolera nga badda awaka e Manja .
Nga batuuse ku geeti, wano abatemu we bamukubidde amasasi agamuttiddewo oluvannyuma ne beeyongerayo nga poliisi etandise omuyiggo era n'esaba oyo yenna aliko ky'amanyi ku ttemu eryo, okubatemyako okusinziira ku mwogezi wa poliisi mu Kampala Racheal Kawala.