Amawulire
Ababbi basse owabbooda e Kamuli ne bakuuliita ne ppiki ye
Omulambo gwe, gusangiddwa ku luguudo oluva e Kamuli okudda e Jinja ku kyalo Bugobi mu muluka gw'e Bupadhengo e Nawanyago mu Kamuli.
Ababbi basse owabbooda e Kamuli ne bakuuliita ne ppiki ye
By: Godfrey Kigobero, Journalist @New Vision
Omuvuzi wa bodaboda e Kamuli bamusse pikipiki ye abazigu abatannamanyika ne bagenda nayo.
Omulambo gwe, gusangiddwa ku luguudo oluva e Kamuli okudda e Jinja ku kyalo Bugobi mu muluka gw'e Bupadhengo e Nawanyago mu Kamuli.
Ategeerekese nga Anthony Mugaya omutuuze w'e Kidogwa B mu ggombolola y'e Wankole e Kamuli era ng'abadde avugira ku siteegi y' e Luzinga.
Pikipiki ye nnamba UMA 889 DY , bagitutte era ng'omulambo guzuuliddwa mmita nga 10 okuva ku kkubo nga gubunye ebisago eby’amaanyi ku mutwe, ne ffeesi nga kisuubirwa nti baamukubye nnyondo.
Omwogezi wa poliisi mu Busoga North, Samson Lubega, agambye nti banne baasembye okumulaba eggulo akawungeezi, leero, basanze mulambo.