Enkuba ekedde okufudemba esse abantu babiri e Kawempe

ENKUBA ekedde okutonnya ku makya ga leero esse abantu babiri  okubadde George Bogere 63 omutuuze we Gayaza Makenke  ng’abadde akola obwa Securiko mu kkampuni Security Brasoz Airline  gy’abadde akedde okugenda okukola naagwa mu mwala gwa Walufumbe ate omulala amanyiddwa nga ategerekeseeko lya Mic ng'abadde akola ku Breakdown ewa Kibe mu munisipaali ye Kawempe.

Abantu nga bakung'aanidde ku mulambo

Moodu Kibe akulira eby’okwerinda mu kibe zooni  mu muluka gwa Makerere III yategeezezza nti Mic yabadde alina omwana  omuto gw’’ataasa okumuggya mu nju eyabadde eyingiddemu amazzi   we yakwatidde ku baati nga liriko amasannyalaze ne gamukuba n’afa .

Enkuba yakosezza ebitundu  ebyenjawulo okuli Bwaise , Kaleerwe , Kanyanya , Gayaza , Kyanja , Kasubi ng’eno amayumba gagudde , emiti , amazzi okwanjaala mu ma kkubo ekyaviriddeko akalipagano k’ebidduka .

Poliisi ngy'eggyawo omulambo

Emmanuel Sserungogi mmeeya we kawempe yategeezezza nti enkuba eyatonye ku luno tolina gwoginenyeza  kuba etonnye ggwanga lyonna ng’ate mbi yagambye nti bali ku kawefube ku gogogoola mwala gwa Nsooba Channel n’asaba ne KCCA ku kugogoola omwala gwa Luigi kuba baagugogoolako  akatundu nga pulezidenti agenda e kawempe we byakola.