Ebyemizannyo
#Ebipya mu Premier League 2022/23: Baddiifiri 4 bawummudde
Premier League ewummuzza baddiifiri b'obadde oludde ng'olaba bana (4) n'ebasikiza bannaabwe abasuumuusiddwa okutandika okulamula emipiira mu sizoni eno eya 2022/2023.
Martin Atkinson ng'atambula n'eyali omutendesi wa Man U, Ole GS.
By: Wilson Ssemmanda, Journalist @New Vision
Bya wilson w. Ssemmanda
Premier League ewummuzza baddiifiri b'obadde oludde ng'olaba bana (4) n'ebasikiza bannaabwe abasuumuusiddwa okutandika okulamula emipiira mu sizoni eno eya 2022/2023.
Mu bawummudde mulimu: Mike Dean, Jonathan Moss, Martin Atkinson ne Kevin Friend baawummudde ku nkomerero ya sizoni ya 2021/22.
Dean waakwegatta ku Lee Mason bakole ku tekinologiya wa VAR (video assistant referee), ate Kevin Friend afuuse maneja w'ekibinja kya baddiifiri ekya Select Group 2 officials.
Ye Moss yafuuse maneja w'ekibinja kya Select Group 1 officials, ng'omutendesi waakyo omukulu ye Atkinson.
Baddiifiri bana (4) abaasuumuusiddwa okulamula omupiira mu Premier kuliko; Tom Bramall nga wa myaka 32, Natalie Aspinall ng'ono mukazi. Nick Greenhalgh ne Steve Meredith nga bonna babadde bagulamulira mu liigi eza wansi.