Ebyemizannyo
Abeemmotoka bazitutte Soroti
ABATEGESI b’empaka za mmotoka eza laawundi eyookuna ku kalenda y’engule y’eggwanga ey'omwaka guno bazitutte mu bitundu by'e Teso abavuzi gye baweze okweyabiza ebifuba. Empaka zino zigenda kuyindira Soroti ne Katakwi ku Lwokutaano n’Olwomukaaga.
Mmotoka ya Sebuguzi. Y'omu ku beewandiisizza mu mpaka zino
By: Bukedde Omusunsuzi, Journalist @NewVision
ABATEGESI b’empaka za mmotoka eza laawundi eyookuna ku kalenda y’engule y’eggwanga ey'omwaka guno bazitutte mu bitundu by'e Teso abavuzi gye baweze okweyabiza ebifuba. Empaka zino zigenda kuyindira Soroti ne Katakwi ku Lwokutaano n’Olwomukaaga.
Okusinziira ku Kees Kagolo, pulezidenti wa Eastern Motor Club ababadde batera okutegekera ez'e Jinja, okutwala empaka zino e Soroti baayagadde kuyambako FMU, ekibiina ekitwala omuzannyo guno mu ggwanga okugutambuza mu bitundu eby’enjawulo ng'eteeka ly’ebyemizannyo eppya bwe lirambika.
Hassan Alwi y’akulembedde ku ngule y’omwaka guno ng’abavuzi 45 be baakakasiza okuzeetabamu.