Ebyemizannyo
The Bombers efuuse omuteego e Kenya
BANNAYUGANDA 13 batangaazizza emikisa gy'okuzannya ebikonde bya Olympics za 2028 oluvannyuma lw'okutokosa obulungi eηηuumi ne beesogga semi.
Samuel Nsubuga (ku ddyo) owa Uganda yakubye Amin Zanaz owa Algerian 'tonziriranga' e Kenya.
By: Bukedde Omusunsuzi, Journalist @NewVision
BANNAYUGANDA 13 batangaazizza emikisa gy'okuzannya ebikonde bya Olympics za 2028 oluvannyuma lw'okutokosa obulungi eηηuumi ne beesogga semi.
Mu mpaka za Africa Boxing Championship eziyindira mu Kasarani Stadium mu kibuga Nairobi ekya Kenya, abazannyi 13 ku 17 abaagendera mu ttiimu y'eggwanga (The Bombers) baatuuse dda ku semi nga kakibe ki baakudda n'emidaali.
Empaka zino ziri wansi w’ekibiina kya Africa Boxing (AB) ekitwalibwa eky’ensi yonna (World Boxing, WB) ekivunaanyizibwa ku mizannyo gya Olympics ne Commonwealth.
Abanaazivaamu n’emidaali baakufuna obubonero obubongerayo mu zirisunsula abalikiikirira Afrika mu Olympics (Africa Olympic Boxing Qualifi ers) e Nigeria omwaka ogujja.
The Bombers, erimu abasajja 10 n'abakazi 7, abaatuuse ku mutendera gw’emidaali kuliko; Abdul Aziz Hard ‘Aziz Ringo’ (muzukulu w’eyali Pulezidenti wa Uganda Idi Amin), eyakubye Omunigeria Kenneth Angboro ku bugoba 5-0 mu buzito bwa 'heavy'.
Abanaazivaamu n’emidaali baakufuna obubonero obubongerayo mu zirisunsula abalikiikirira Afrika mu Olympics (Africa Olympic Boxing Qualifi ers) e Nigeria omwaka ogujja.
The Bombers, erimu abasajja 10 n'abakazi 7, abaatuuse ku mutendera gw’emidaali kuliko; Abdul Aziz Hard ‘Aziz Ringo’ (muzukulu w’eyali Pulezidenti wa Uganda Idi Amin), eyakubye Omunigeria Kenneth Angboro ku bugoba 5-0 mu buzito bwa 'heavy'.
Abalala ye; Richard Kasujja (yamezze Omutanzania Abdul Mohamed Mayosa mu buzito bwa Light heavy), Alfred ‘Gorilla’ Ojok (yakubye Benjamin Avelino owa Angola mu bwa middle) ate Samuel Nsubuga n'akuba Amin Zanaz owa Algeria mu 'feather'. Abalala ye Arafat Kibirige ow’obuzito bwa cruiser, Emmanuel Tabule (Super heavy), Rashidah Naluwooza (Light fl y), Brenda Muduwa (fl y), Peninah Amoding (feather), Vanessa Nagawa (light welter), Erina Namutebi (welter) ne Diana Atwiine (heavy).
Kapiteeni Ukasha Matovu (Light middle), Innocent Amoko (welter), Bruno Kakande (fl y) ne Fatuma Nabikolo (Lightweight) baawanduse.
Kapiteeni Ukasha Matovu (Light middle), Innocent Amoko (welter), Bruno Kakande (fl y) ne Fatuma Nabikolo (Lightweight) baawanduse.