Abeegi ba UCU basingire okwiruka kw’amashomero- Mukono

N’ebya Henry Nsubuga

MUKONO

Omwegi wa UCU asingire okwiruka okwa kiromita 10 omu kwiruka kw’amashomero okwa green schools marathon

Omwegi w’eitendekyero erya Uganda Christian University (UCU) asingire okwiruka okwa kiromita 10 okw’amashomero okwa green schools marathon okuteebekanisiibwe abeebembezi b’eminyeeto omuri Mukono Munisiparite na disiturikiti eya Mukono.

Abetabire omu kwiruka okuteebekanisiibwe abeebembeezi b'eminyeeto omuri Mukono hamwe n'ekitongore ekya Funga Pengo Development Initiative Africa barikukora ebisasayazi. Photos by Henry Nsubuga.

Okurugiirira aha bateebekanisa, abantu 5 ahari 10 ababandize kusiinga n’abeegi ba UCU kandi 4 omuri nibo babaire beebembiire.

Kansara omushaija ahabwa disiturikiti eya Mukono, Lauben Ssenyonjo arangiirire abasinguzi nka; Frank Okello, James Muyoda, Edward Mukasa na Innocent Ayeko boona abeegi ba UCU.

Omu mwanya gwa kataano, Ahmed Ssebwogi ow’eishomero erya St. John’s Senior School Kauga, James Okiror owa St. Peter’s Senior School, Henry Matovu, omutuura w’omu kyaro ekya Mulago omuri Mukono Central Divijoni, Shafic Kyaddondo owa St. John’s Senior School Kauga na Meddy Kirunda owa UCU okwatsire omwanya gwa 10.

Ekitongore ekya Funga Pengo Development Initiative Africa kikwataniise n’abeebembezi, Ssenyonjo naagira ngu bagyenderiire kurundaana esente z’okuhwera abeebembezi kugura ensigo z’emiti y’okubyara omu mashomero n’ekigyendererwa ky’okurinda eby’obuhangwa n’okurwanisa ebigwererezi nk’omwegyemure, ekyanda n’ebindi ebirikureetwa empinduka y’obwire.

Siipika wa disiturikiti eya Mukono, Betty Nakasi naagira ngu nka disiturikiti eya Mukono, baherize kuhinguza ekiragiro ky’okubyara emiti erikwingana miriyooni emwe omu mashomero goona ag’omu disituriti egi.

#WestUpdates