Babiri bafeeriire omuri butandu aharwa Bushenyi.

N’ebya Beth Akatukunda

MBARARA- Abantu babiri bafeereire omuri butandu ebaire haihi na Stabex Petrol Station omuri Mbarara aharuguuto orwa Bushenyi. Abandi bantu babiri batungire obuhuta.

Butandu egi ebaireho nyomwebazyo kndi ebaire erimu emotoka eya Toyota Wish ehandiikirwe omu namba ya UBK 493T Toyota Wish hamwe n’endiijo eya namba H4DF 1162TATA.

Samson Kasasira, Omugambirizi wa Pooriisi ahabw’ekyanga ekya Rwizi naagamba abagyenzi nka; Akanjuna Benson obaire ari omushabaazi omu motoka ya Wish na Kanyuzi Annet obaire ari bursar w’esihomero erya Vine High School omuri Bushenyi kandi bombi babaire bari omu motoka eya Wish.

Naagira ngu abahutiire abamanyirwe nka; Mwanika Geoffrey na John Twinomugisha bairukangiziibwe ah’eirwariro erihango erya Mbarara kutunga okuragurirwa.

Kasasira naagira ngu dureeva wa Toyota Wish ebaire neeruga Mbarara erikuza ogwa Bushenyi beitu ku ehikire aha mayiro 4, dureeva arugire omu Mukono gwe arikuteeraho kushara ebiina ekireteire yatomerana n’emotoka endiijo ebaire eri omu maisho ey’ekika kya TATA. 

Nayongyeraho ngu abafiire batwirwe ah’eirwariro erya Mbarara kukyeberwa obwo okucondooza kurikugyenda omu maisho.

Kasasira naagira ngu emotoka ezitomiire zitwirwe aha Pooriisi enkuru eya Mbarara kukyeberwa.

#WestUpdates