Uganda na Tanzania kuganiira ahakukwatanisa omu by’amashanyarazi n’obugaiga bw’omu eitaka.

N’ebya John Odyek 

Abakuru kuruga omu minisiture y’eby’amashanyarazi n’eby’obugaiga bw’omu eitaka bari omu eihanga erya Tanzania kuganiira ahanshonga y’amahanga aga abiri kukwataniisa omu by’amajuta, okutiimba eby’obugaiga bw’omu eitaka n’ebindi.

Aba beebembiirwe minisita w’eby’amashanyarazi n’obugaiga bw’omu eitaka Ruth Nankabirwa.

Uganda na Tanzania kuganiira ahakukwatanisa omu by’amashanyarazi n’obugaiga bw’omu eitaka.

Omu kwezi kwa 4, 2023, Uganda na Tanzania bakata omukono ahandagaano y’okwombeka orushekye rw’omuhanda gw’amajuta orurikwija kwongyera aha bwingi bw’amashanyarazi, amajuta n’okutunguura eby’entaasya omu mahanga aga 2.

Orushekye rw’amajuta nirwija kuba nirwiha amajuta kuruga omu kyanga ekya Bukizi bwa Buryo bwa Tanzania kugareeta omu Uganda ahi amashanyarazi garikwija kweyongyera omu Uganda naaza fakitore. 

Purogyekiti egi nabwo neteekateekwa kuheereza abantu emirimo n’okureeta abanyamyooga omu by’entunguuka kuruga omu mahanga kwija bakakorera bizinesi zaabo omu mahanga aga.

Endagaano egi ekateebwaho omukono Biteko omu eiziina rya Tanzania kandi Nankabirwa akajwekyera Uganda. 

Uganda na Tanzania kuganiira ahakukwatanisa omu by’amashanyarazi n’obugaiga bw’omu eitaka.

Biteko nashaba abanyamyooga omu by’entunguuka kwija bakata sente zaabo omu kitongore ky’amajuta arikukyoreka ngu eki nikiija kureetaho entunguuka y’amaani omu Uganda na Tanzania.

Nankabirwa nabwo nakyoreka ngu Uganda na Tanzania baine ebyafaayo by’okukwatanisa omu purogyekiti z’amashanyarazi nk’ey’amashanyarazi ga Kikagate eya 14-megawatts, eya Masaka Mutukula kuza Mwanza hamwe na purogyekiti y’omuhanda gw’amajuta eya East African Crude Oil Pipeline. 

#WestUpdates