North-West Ankole Dayosiisi yatongozaho puroguraamu y’okutunguura omwani omuri Ibanda.

N’ebya Timothy Mushabe

IBANDA

Obureeberezi bwa North-West Ankole butongoize abantu 70 kuza omu byaro kubara abahingi b’omwani n’ebirikubakwataho.

Aba batwire barikutendekwa ab’ekitongore ekya Input kumara ebiro bishatu kandi ekitongore eki n’ekya tekinologiya ekirikuhweraho abahingi okutunguura omutindo gw’ebihingwa byabo.

Okurugiirira ahari Franklyn Babirye owa Inputi, abahingi nibaza kuhweraho okuhikiriza ebyetengo by’akatare k’ensi yoona ak’omwani hamwe n’okurwanisa okushiisha eby’obuhangwa.

Aha mukoro ogu, Peter Bwengye- omuhingisa aha disiturikiti ya Ibanda yagira ngu puroguraamu egi egyenderiire kwongyera amaani omukushomesa abahingi b’omwani aha kureeberera gye omwani gwabo.

Naagira ngu abarikugura omwani hati nibenda abarikuhinga omwani boreke okubarikuguhinga batarikushiisha by’obuhangwa nk’okutema emiti kandi enkora egi buri muhingi naaza kuba ari aha tekinologiya eya Satelite.

Hoona nabwo, eki nikimanyisa ngu n’okuhwera abahingi aba okubaha eby’okukoresa omuri sente.

Omureeberezi wa North-West Ankole, Amos Magezi bwanyima y’okutongoza abaraze kuhandika abahingi yayehangiriza abahingi okurahusya omurimo ogu kandi yayongyera yagira ngu enteekateeka egi n’ey’abantu boona ahabw’okwenda kutunguura omutindo gw’omwani omuri Ibanda.

Aha mukoro ogu, Peter Bwengye- omuhingisa aha disiturikiti ya Ibanda yagira ngu puroguraamu egi egyenderiire kwongyera amaani omukushomesa abahingi b’omwani aha kureeberera gye omwani gwabo. 

Naagira ngu ekiti kimwe ky’omwani waaba okireeberire gye nikibaasa kurugamu kiro 5 z’omwani ekirikumanyisa  ngu arikuba aaine hiika emwe y’omwani naaba naatunga shiringi miriyooni 22 abaasa kuruga omu bworo.

Obwa hati amaka 3,200 nigo garikuhinga omwani omuri Ibanda kandi gashohoza taani 150 buri mwaka baitu enteekateeka y’obureberezi yaaba eteirwegye omunkora, omwani omuri Ibanda niguza kweyongyera.

#WestUpdates