Disiturkiti ya Kazo na Kiruhura zitungire cooler z’amate.

N’ebya Beth Akatukunda

KIRUHURA

Ebigombe 4 by’eby’amate omu disiturikiti eya Kazo na Kiruhura bitungire ebyoma by’amate zete (cooler z’amate).

Minisita w’eihanga ow’amatungo, Lt. Col. Bright Rwamirama niwe ahaireyo ebyoma ebi.

Minisita abaire ashendekyeriibwe mukuru w’ekitongore ekya NAADS Dr. Samuel Mugasi hamwe na manegya we’kitongore ky’omutindo gw’amate, Dairy Development Authority ahabw’ekyanga eki, Moses Ahimbisibwe.

Minisita abaire ashendekyeriibwe mukuru w’ekitongore ekya NAADS Dr. Samuel Mugasi hamwe na manegya we’kitongore ky’omutindo gw’amate, Dairy Development Authority (DDA) ahabw’ekyanga eki, Moses Ahimbisibwe.

Minisita ashabire abariisa okugumyaho omutindo murungi gw’amate arikugira ngu eki nikija kubahwera amate gaabo kuhayana omu butare bw’omu eihanga n’aheeru y’eihanga.

"Nka gavumenti, turiyo nitukora ekirikubasika kureeba ngu twayiguraho obutare bw’ebintu ebirikuruga omu mate kandi eki nikija kuhikirira abariisa bagumyaho omutindo murungi gw’amate,” Rwamirama arikushoborora.

Naagira ngu gavumenti eriyo neteebekanisa kutaho emyanya y’omutindo y’okubagiramu eri aha mutindo arikukyoreka ngu Uganda neija kutandika kuguza enyama omu bwire butari bwahare.

Abariisa beebembiirwe kansara wa disiturikiti, Ephraim Rwehonda betomboitsire ahabw’emibazi y’amatungo ey’ebicupuri eki barikugira ngu kikyenderiize aha mate agu barikukama.

Mukuru w’ekitongore ekya NAADS, Dr. Samuel Mugasi ahamisiriize ekyetengo ky’okuhabura abariisa aha kugumyaho omutindo murungi gw’amate.

Cooler y’amate eteirwe omuri Sanga nebaasa kubaika lita 3,000 z’amate. Egi neyongyerera ahari cooler endiijo ey’okubiika lita 5,000.

Manegya w’ekitongore ekya DDA, Moses Ahimbisibwe ashabire abariisa okwongyera aha bwingi bw’amate kwenda ngu ekitongore kigumeho.

#WestUpdates