Abashuma baibire ebitookye bya Dr. Besigye omuri Kasangati.

N’ebya Umar Kashaka

KASANGATI, WAKISO

Abantu abatakamanyirwe baibire ebitookye by’owabaire Purezidenti w’ekigombe ekya FDC, Col. Dr. Kizza Besigye omu maka gye omu kyaro ekya Buyinja Zone omuri Kasangati omu disiturikiti eya Wakiso.

Arikurabira aha mukura gwe gwa X, Besigye yaagira ngu abashuma bamwibiire ebitookye 6 kuruga omu musiri gwe ogw’omuri Kasangati omu kiro ky’orwakabiri.

Nk’omuringi gw’okurwanisa obushuma, abahingi baingi hati batandiikire kuraara omu musiri yaabo bakumire emisiri yaabo omu kiro.

Obutumwa bwa Besigye obw’okumwibira ebitookye abantu babugambaho ahi bamwe bamwe baaba nibamusaasira kandi abanda baaba nibagira ngu ashemeriire kuhunama akahayo ebitookye ebimwe aha bantu abooro abataine ky’okurya abamwetoriire.

#WestUpdates