UPC esingire akaruuru ka Dokolo ak'omuny'ishengyero-kazi.

N’ebya Omushaki weitu

DOKOLO

Sarah Aguti ow’ekigombe ekya UPC niwe arangiriirwe nk’osingire akaruuru k’okugarukamu kutoorana omuny’ishengyero-kazi wa disiturikiti eya Dokolo akateirwe nyomwebazyo ebiro 21/03/2024.

Aguti asingire n’oburuuru 23,044 kandi Janet Rose Elau Okello Adongo owa NRM niwe abaire owa kabiri n’oburuuru 14,001 omu karuuru akabaire nikahayanirwa abantu 6.

Muhara w’omugyenzi Cecilia Ogwal, Rosemary Ogwal Alwoc aha kakongi ka FDC abaire owa kashatu n’oburuuru 8,168, Esther Obot Okello owa Independent aiziire omugwa kana n’oburuuru 790, Harriet Ageno aihireyo oburuuru 727 kandi Rebecca Arao abaire owa mukaaga n’oburuuru 439.

Erikwaine Ngobi, orikukurira eby’okuteeza akaruuru omu disiturikiti eya Dokolo niwe arangiriire Sarah Aguti owa UPC nk’omusinguzi w’akaruuru ka Dokolo. 

Aguti naaza omu bigyere by’owabaire ari omuntebe egi Cecilia Barbra Atim Ogwal owafiire ebiro 18/01/2024.

#WestUpdates
#DokoloDecides