FDC eya Najjanankumbi etiniisiriize kutwara omu kooti bataahi baabo aba Katonga.

N’ebya Omushaki weitu

NAJJANANKUMBI

Ekigombe kya FDC eya Najjanankumbi kitiniisiriize kutwara omu mbuga z’ebiragiro bataahi baabo aba FDC eya Katonga baagumizamu nibabagambaho ebigambo bibi n’okugamba kubi aha kigombe.

Ab’ekigombe ekya FDC eya Katonga ebiro ebi bari omu kwetoorora ebicweka bitari bimwe by’eihanga barikwebuuza ahari ba memba ahaky’okutandikaho ekigombe ekisya kuhayana n’ebigombe ebindi eby’obutegyeki omu karuuru ka boona aka 2026.

Beitu hoona, omuhururu egi, Omugambirizi w’ekigombe ekya FDC, John Kikonyogo naagira ngu bataahi baabo aba Katonga ahamwanya gw’okwebuuza aha bantu, nibakoresa enteerane zaabo kugamba ebigombe bibi aha beebembezi ba FDC eya Najjanankumbi n’okugamba kubi aha kigombe.

Kikonyogo naagira ngu ekigyendererwa ekikuru eky’okutandikaho FDC kikaba kiri eky’okwihaho gavumenti ya NRM eri omu bwebembezi hati beitu kurwana n’ebigombe eby’orubaju oruhakani kandi ngu tibarikwija kushutama bakahunama, amaziina gaabo garikushishwa.

Naagira ngu FDC eya Katonga eine obugabe bw’okutandikaho ekigombe ekisya beitu kutari kushisha FDC ebahikize ahi bari.

#WestUpdates